Get the latest news at
your fingertips!
Download our app now
LIVE TV
Search
ഡൽഹി ക്യാപിറ്റൽസിനെതിരെ ബിഗ് ഇന്നിങ്‌സ് കളിക്കാനായില്ലെങ്കിലും ചരിത്ര നേട്ടം കുറിച്ച് സൂപ്പർ താരം വിരാട് കോഹ്ലി. ഐപിഎല്ലിന്റെ ചരിത്രത്തിലാദ്യമായി 1000 ബൗണ്ടറികള്‍ നേടുന്ന താരമായി കോഹ്ലി മാറി. ഇതുവരെ 257 മത്സരങ്ങളിൽ നിന്നാണ് അത് കളിച്ചത്. 721 ഫോറും 279 സിക്സും താരത്തിന്റെ ബാറ്റില്‍ നിന്ന് ഐപിഎല്ലില്‍ പിറന്നു.
ഡല്‍ഹിക്കെതിരായ മത്സരത്തിലെ നാലാം ഓവറിലെ മൂന്നാം പന്തിലായിരുന്നു നാഴികക്കല്ല് പിന്നിട്ടത്. ഡല്‍ഹി നായകൻ അക്സര്‍ പട്ടേലെറിഞ്ഞ പന്ത് സിക്സര്‍ പായിച്ചായിരുന്നു നേട്ടം. മത്സരത്തിൽ താരം 14 പന്തിൽ 22 റൺസ് നേടി പുറത്തായി.
അതേ സമയം ആർസിബിയുടെ ബാറ്റിങ് ഇന്നിങ്‌സ് അഞ്ചോവറിൽ 70 റൺസ് എന്നിടത്ത് നിന്നും 20 ഓവറിൽ ഏഴുവിക്കറ്റിന് 163 റൺസിൽ അവസാനിച്ചു. നേരത്തെ ടോസ് നഷ്ടപ്പെട്ട് ബാറ്റിങ്ങ് തുടങ്ങിയ ഡൽഹി ക്യാപിറ്റൽസിന് മികച്ച തുടക്കമാണ് ലഭിച്ചത്. 17 പന്തിൽ 37 റൺസെടുത്ത് ഫിൽ സാൾട്ട് ഉഗ്രൻ വെടിക്കെട്ട് നടത്തി.
എന്നാൽ പിന്നീട് എത്തിയവർക്കൊന്നും അത് മുതലാക്കാനായില്ല. ശേഷം ഒടുവിൽ 20 പന്തിൽ 37 റൺസ് നേടിയ ടിം ഡേവിഡിന്റെ പ്രകടനമാണ് സ്കോർ 160 കടത്തിയത്. ക്യാപ്റ്റൻ രജത് പാട്ടീദാർ 23 പന്തിൽ 25 റൺസ് നേടി. ഡൽഹിക്കായി വിപ്രജ് നിഗവും കുൽദീപ് യുഡവും രണ്ട് വിക്കറ്റ് വീതവും നേടി.
ഈ ഐപിഎൽ സീസണിൽ ഇതിനോടകം മികവ് പുറത്തെടുത്ത രണ്ട് ടീമുകളാണ് ആർസിബിയും ക്യാപിറ്റൽസും. സീസണിൽ ഇതുവരെ തോൽവി അറിയാത്ത ഏക ടീമാണ് ഡൽഹി.കളിച്ച മൂന്ന് മത്സരങ്ങളിലും ജയം. നാലിൽ മൂന്നിലും ജയിച്ചാണ് ആർസിബി എത്തുന്നത്.
Content Highlights: virat kohli pass another record-in ipl; delhi capitals vs royal challengers bengaluru
