Get the latest news at
your fingertips!
Download our app now
LIVE TV
Search
ഇന്ത്യൻ പ്രീമിയർ ലീഗ് 2025 സീസൺ പുരോഗമിക്കുകയാണ്. പ്ലേഓഫിനായുള്ള ചർച്ചകൾ ഇപ്പോഴും സജീവമാകുമ്പോൾ സീസണിൽ മികച്ച പ്രകടനം കാഴ്ചവയ്ക്കാത്ത ടീമുകളിൽ ഒന്നാണ് സൺറൈസേഴ്‌സ് ഹൈദരാബാദ്. 9 മത്സരങ്ങളിൽ നിന്ന് വെറും 6 പോയിന്റുകൾ (3 വിജയങ്ങൾ) മാത്രമുള്ള ടീമിന് യോഗ്യത നേടണമെങ്കിൽ ശേഷിക്കുന്ന 5 മത്സരങ്ങളിലും ജയിക്കേണ്ടതുണ്ട്. എന്നാലും കഴിഞ്ഞ മത്സരത്തിലെ ജയത്തോടെയുള്ള തിരിച്ചുവരവ് ആഘോഷിക്കാൻ ടീം മാലിദ്വീപിലേക്ക് പറന്നു.
ഏപ്രിൽ 25 ന് ചെന്നൈ സൂപ്പർ കിംഗ്സിനെതിരെ അഞ്ചുവിക്കറ്റിനാണ് ഹൈദരാബാദ് ജയിച്ചത്. രാജീവ് ഗാന്ധി ഇന്റർനാഷണൽ സ്റ്റേഡിയത്തിൽ ഡൽഹി ക്യാപിറ്റൽസിനെതിരെയാണ് അവരുടെ അടുത്ത മത്സരം. ഈ രണ്ട് മത്സരങ്ങൾക്കിടയിൽ 7 ദിവസത്തെ നീണ്ട ഇടവേളയുണ്ട്. ഈ ഇടവേള ആഘോഷിക്കാനും ആത്‌മവിശ്വാസം തിരിച്ചുപിടിക്കാനുമാണ് ഈ യാത്രയെന്ന് ടീം വൃത്തങ്ങൾ പറഞ്ഞു. യാത്രയുടെ വിശേഷങ്ങളും സോഷ്യൽ മീഡിയയിൽ പങ്കുവെച്ചു.
