Get the latest news at
your fingertips!
Download our app now
LIVE TV
Search
കോഴിക്കോട്: ഒന്നര വർഷത്തിന് ശേഷം ബൂട്ടുകെട്ടാൻ ഒരുങ്ങി മലയാളി ഫുട്ബോൾ താരം അനസ് എടത്തൊടിക. ഐ ലീഗ് മുൻ ചാമ്പ്യന്മാരായ ഗോകുലം കേരളയിലൂടെയാണ് അനസിന്റെ തിരിച്ചുവരവ്. 2021-22ൽ ഐഎസ്എൽ ക്ലബായ ജംഷഡ്പൂർ എഫ്സിക്ക് വേണ്ടിയാണ് അനസ് ഒടുവിൽ കളിച്ചത്. എന്നാൽ നാല് മത്സരങ്ങളിൽ നിന്നായി 33 മിനിറ്റ് മാത്രമാണ് താരം കളത്തിലിറങ്ങിയത്. 2019ൽ ഇന്ത്യൻ ടീമിൽ നിന്നും മലയാളി താരം വിരമിച്ചിരുന്നു.
കാണാൻ കൊതിച്ച തിരിച്ചു വരവ് 💥💪#GKFC #malabarians #ILeague️ pic.twitter.com/lKnhtw99BN
— Gokulam Kerala FC (@GokulamKeralaFC) October 15, 2023
കാണാൻ കൊതിച്ച തിരിച്ചുവരവെന്നാണ് ഗോകുലം എഫ്സി എക്സ് പ്ലാറ്റ്ഫോമിൽ കുറിച്ചത്. 2021-22ൽ ഐഎസ്എല്ലിൽ കളിക്കുന്നതിനിടെ പരിക്ക് അലട്ടിയതിനാൽ അനസ് കളത്തിൽ നിന്ന് ഇടവേള എടുക്കുകയായിരുന്നു. ഈ സമയത്ത് കേരളാ പോലീസിൽ ജോലിക്ക് ശ്രമിച്ചെങ്കിലും ലഭിച്ചില്ല. ജോലി വാഗ്ദാനം ചെയ്തുള്ള ഉദ്യോഗസ്ഥ വഞ്ചനയെന്ന് താരം ആരോപിച്ചിരുന്നു.
A defender of immense talent and experience, Anas is here to fortify our defense. Welcome to Gokulam, Anas! 🛡️💚#gkfc #malabarians pic.twitter.com/R3Kkq13wMO
— Gokulam Kerala FC (@GokulamKeralaFC) October 15, 2023
അനസിന്റെ സാന്നിധ്യം ക്ലബിന് മുതൽകൂട്ടാകുമെന്ന് അധികൃതർ പ്രതികരിച്ചു. ഇന്ത്യൻ ഫുട്ബോളിൽ അനസിന്റെ അനുഭവ സമ്പത്ത് ഏറെ വലുതാണ്. ഗോകുലം കേരളയിലെ പ്രതിരോധ ലൈനിലെ അനസിന്റെ സാന്നിധ്യം എതിരാളികൾക്ക് ഭീഷണിയാകുമെന്നും ക്ലബ് അധികൃതർ വ്യക്തമാക്കി.
