Get the latest news at
your fingertips!
Download our app now
LIVE TV
Search
റോം: സെര്ബിയന് സ്ട്രൈക്കര് ലൂക്ക ജോവിക്കിന്റെ ഇരട്ടഗോള് മികവില് എ സി മിലാന് ഇറ്റാലിയന് കപ്പ് ക്വാര്ട്ടര് ഫൈനലിലേക്ക്. ഇറ്റാലിയന് ക്ലബ്ബായ കാഗിലാരിയെ പരാജയപ്പെടുത്തിയാണ് മിലാന് ക്വാര്ട്ടറിലേക്ക് മുന്നേറിയത്. ഒന്നിനെതിരെ നാല് ഗോളുകളുടെ തകര്പ്പന് വിജയമാണ് മിലാന് സ്വന്തമാക്കിയത്.
Through you go 💪#MilanCagliari #CoppaItaliaFrecciarossa #SempreMilan
— AC Milan (@acmilan) January 2, 2024
Brought to you by @Acqua_Lete pic.twitter.com/cYkEETWoXC
സ്വന്തം തട്ടകമായ സാന് സിറോ സ്റ്റേഡിയത്തില് നടന്ന മത്സരത്തില് ലൂക്ക ജോവിക്കിലൂടെയാണ് മിലാന് ഗോള്വേട്ട ആരംഭിക്കുന്നത്. 29-ാം മിനിറ്റിലായിരുന്നു താരത്തിന്റെ ആദ്യഗോള്. തിയോ ഹെര്ണാണ്ടസിന്റെ തകര്പ്പന് അസിസ്റ്റായിരുന്നു മിലാന്റെ ആദ്യ ഗോളിന് വഴിവെച്ചത്. 42-ാം മിനിറ്റില് ജോവിക് രണ്ടാം ഗോളും കണ്ടെത്തി. ജോവിക് നേടിയ രണ്ടുഗോള് ലീഡിലാണ് മിലാന് ആദ്യ പകുതി അവസാനിച്ചത്.
രണ്ടാം പകുതി ആരംഭിച്ച് നിമിഷങ്ങള്ക്കുള്ളില് മിലാന് വീണ്ടും ഗോളടി തുടര്ന്നു. 50-ാം മിനിറ്റില് 19കാരന് ചാക ട്രോറയിലൂടെ മിലാന് മൂന്നാം ഗോള് നേടി. 87-ാം മിനിറ്റില് പൗലോ അസ്സിയിലൂടെ കഗിലാരി തിരിച്ചടിച്ചെങ്കിലും അത് മറുപടി ഗോള് മാത്രമായി അവസാനിച്ചു. ഇഞ്ചുറി ടൈമില് റാഫേല് ലിയോ വല കുലുക്കിയതോടെ മിലാന് ആധികാരിക വിജയത്തോടൊപ്പം ക്വാര്ട്ടര് പ്രവേശനവും ഉറപ്പിച്ചു.
Into the quarters! Read all about it 👉 https://t.co/6ugs8Gbhl2
— AC Milan (@acmilan) January 2, 2024
2024️⃣, buona la 1️⃣ª: leggi il racconto del match 👉 https://t.co/XvJCegK842#MilanCagliari #CoppaItaliaFrecciarossa #SempreMilan pic.twitter.com/DJ9WLYze91
അറ്റ്ലാന്റയും സസുവോളോയും തമ്മിലുള്ള പ്രീക്വാര്ട്ടര് മത്സരത്തിലെ വിജയിയെയാണ് മിലാന് ക്വാര്ട്ടറില് നേരിടുക. അഞ്ച് തവണയാണ് എ സി മിലാന് ഇറ്റാലിയന് കപ്പുയര്ത്തിയത്. 2003ലാണ് അവസാനമായി ജേതാക്കളായതെങ്കിലും 2018 മുതല് ഇറ്റാലിയന് കപ്പിന്റെ ഫൈനലിലെത്തിയിട്ടില്ല.
