Get the latest news at
your fingertips!
Download our app now
LIVE TV
Search
കൊല്ക്കത്ത: ഇന്ത്യന് സൂപ്പര് ലീഗില് മോഹന് ബഗാന് തകര്പ്പന് വിജയം. രണ്ടിനെതിരെ നാല് ഗോളുകള്ക്ക് നോര്ത്ത് ഈസ്റ്റ് യുണൈറ്റഡിനെയാണ് മോഹന് ബഗാന് പരാജയപ്പെടുത്തിയത്. ബഗാന് വേണ്ടി മലയാളി താരം സഹല് അബ്ദുള് സമദ് ഒരു ഗോള് നേടി തിളങ്ങി. വിജയത്തോടെ ഗോവയെ മറികടന്ന് രണ്ടാം സ്ഥാനത്തേക്ക് ഉയരാന് ബഗാന് സാധിച്ചു.
മോഹന് ബഗാന്റെ തട്ടകമായ കൊല്ക്കത്തയിലെ സാള്ട്ട് ലേക്ക് സ്റ്റേഡിയത്തില് നടന്ന മത്സരത്തില് നോര്ത്ത് ഈസ്റ്റാണ് ആദ്യം ലീഡെടുത്തത്. ആറാം മിനിറ്റില് ലഭിച്ച പെനാല്റ്റി ലക്ഷ്യത്തിലെത്തിച്ച് ടോമി ജൂറിച്ച് ആദ്യ ഗോള് നേടി. ആദ്യ പകുതിയുടെ നിശ്ചിത സമയം വരെ ആ ലീഡ് കാത്തുസൂക്ഷിക്കാന് സന്ദര്ശകര്ക്ക് കഴിഞ്ഞു.
എന്നാല് ആദ്യ പകുതിയുടെ ഇഞ്ച്വറി ടൈമില് രണ്ട് ഗോളുകള് നേടി മോഹന് ബഗാന് മത്സരത്തിലേക്ക് തിരിച്ചുവന്നു. ജോണി കൗകോയുടെ അസിസ്റ്റില് നിന്ന് ലിസ്റ്റണ് കോളാകോയാണ് ബഗാന്റെ സമനില ഗോള് നേടിയത്. അധികം വൈകാതെ തന്നെ ജേസണ് കമ്മിങ്സിന്റെ കിടിലന് ഫിനിഷ് ആതിഥേയര്ക്ക് ലീഡ് സമ്മാനിച്ചു.
രണ്ടാം പകുതിയുടെ തുടക്കത്തില് തന്നെ നോര്ത്ത് ഈസ്റ്റ് ഒപ്പമെത്തി. 50-ാം മിനിറ്റില് തന്റെ രണ്ടാം ഗോളും കണ്ടെത്തി ടോമി ജൂറിച്ചാണ് നോര്ത്ത് ഈസ്റ്റിന് സമനില നല്കിയത്. എന്നാല് ആ സമനിലയും അധിക നേരം നീണ്ടുനിന്നില്ല. 53-ാം മിനിറ്റില് ദിമിത്രി പെട്രാറ്റോസിലൂടെ ബഗാന് വീണ്ടും ലീഡില് എത്തി. 57-ാം മിനിറ്റില് സഹല് അബ്ദുള് സമദ് നേടിയ ഗോളോടെ മോഹന് ബഗാന് വിജയം ഉറപ്പിച്ചു. ബഗാന് വേണ്ടി സഹല് നേടുന്ന ആദ്യ ഗോളാണിത്.
വെല്'കം ബാക്ക്' സലാ; പ്രീമിയര് ലീഗില് ലിവര്പൂളിന് തകര്പ്പന് വിജയംവിജയത്തോടെ എഫ്സി ഗോവയെ മറികടന്ന് ബഗാന് രണ്ടാമതെത്തി. 14 മത്സരങ്ങളില് നിന്ന് 29 പോയിന്റാണ് ബഗാന്റെ സമ്പാദ്യം. 15 മത്സരങ്ങളില് നിന്ന് 16 പോയിന്റുള്ള നോര്ത്ത് ഈസ്റ്റ് ഏഴാം സ്ഥാനത്താണ്.
