ജേഡന് സാഞ്ചോയെ നിലനിര്ത്തണം; 'സീക്രട്ട് പ്ലാനു'മായി ഡോര്ട്ട്മുണ്ട്

മാഞ്ചസ്റ്റര് യുണൈറ്റഡില് നിന്ന് ലോണ് അടിസ്ഥാനത്തിലാണ് സാഞ്ചോ ഡോര്ട്ട്മുണ്ടിന് വേണ്ടി കളിക്കുന്നത്

റിപ്പോർട്ടർ നെറ്റ്‌വര്‍ക്ക്‌

1 min read|11 Mar 2024, 07:55 pm

ലണ്ടന്: യുവതാരം ജേഡന് സാഞ്ചോയെ സ്ഥിരം കരാറില് സ്വന്തമാക്കാന് ബുന്ദസ് ലീഗ ക്ലബ്ബ് ബൊറൂസിയ ഡോര്ട്ട്മുണ്ട് ശ്രമിക്കുന്നതായി റിപ്പോര്ട്ട്. നിലവില് മാഞ്ചസ്റ്റര് യുണൈറ്റഡില് നിന്ന് ലോണ് അടിസ്ഥാനത്തിലാണ് സാഞ്ചോ ഡോര്ട്ട്മുണ്ടിന് വേണ്ടി കളിക്കുന്നത്. സാഞ്ചോയെ ഒരു സീസണില് കൂടി ലോണില് ലഭിച്ചില്ലെങ്കില് ഒരു താരത്തെ പകരം നല്കി സ്വാപ് ഡീലിനായിരിക്കും ഡോര്ട്ട്മുണ്ട് ശ്രമിക്കുക എന്നാണ് സ്പോര്ട്സ് മാധ്യമങ്ങള് റിപ്പോര്ട്ട് ചെയ്യുന്നത്.

'ഇനി ആവർത്തിക്കില്ല'; ആരാധകർക്ക് നേരെ അശ്ലീല ആംഗ്യം കാണിച്ചതില് പ്രതികരിച്ച് റൊണാള്ഡോ

സാഞ്ചോയുടെ കരാര് സ്ഥിരപ്പെടുത്തുന്നതിന് ഡോര്ട്ട്മുണ്ട് പ്രാരംഭചര്ച്ചകള് ആരംഭിച്ചുകഴിഞ്ഞു. യുണൈറ്റഡിന്റെ പരിശീലകന് എറിക് ടെന്ഹാഗുമായുള്ള പ്രശ്നത്തെ തുടര്ന്നാണ് സാഞ്ചോയ്ക്ക് ലോണില് ക്ലബ്ബ് വിടേണ്ടിവന്നത്. ടെന്ഹാഗ് മാനേജര് സ്ഥാനത്തേക്ക് തുടരുന്നതുവരെ മാഞ്ചസ്റ്റര് യുണൈറ്റഡിലേക്ക് തിരിച്ചുപോകാന് സാഞ്ചോ ആഗ്രഹിക്കുന്നില്ലെന്നും റിപ്പോര്ട്ടുകളുണ്ട്.

ഇംഗ്ലണ്ട് വിങ്ങറായ സാഞ്ചോ ജനുവരിയിലാണ് ബുന്ദസ് ലീഗയിലെത്തുന്നത്. ഇതിന് ശേഷം ഡോര്ട്ട്മുണ്ടിന് വേണ്ടി ഒരുതവണ ഗോളടിക്കുകയും രണ്ട് അസിസ്റ്റ് നല്കുകയും ചെയ്തു.