'ക്ലോപ്പിന് പകരക്കാരനായി ഞാന് തന്നെയെത്തും'; സ്ഥിരീകരിച്ച് ആര്നെ സ്ലോട്ട്

കഴിഞ്ഞ സീസണില് ഫെയര്നൂര്ഡിനെ ഡച്ച് ലീഗ് ചാമ്പ്യന്മാരാക്കാന് സ്ലോട്ടിന് സാധിച്ചിരുന്നു

റിപ്പോർട്ടർ നെറ്റ്‌വര്‍ക്ക്‌

1 min read|18 May 2024, 10:47 am

ലണ്ടന്: ലിവര്പൂളിന്റെ പുതിയ പരിശീലകനായി എത്തുമെന്ന് ഫെയര്നൂര്ഡ് മാനേജറായ ആര്നെ സ്ലോട്ട് സ്ഥിരീകരിച്ചു. നിലവിലെ പരിശീലകനായ യര്ഗന് ക്ലോപ്പിന് പകരക്കാരനായി ആര്നെ സ്ലോട്ട് ആന്ഫീല്ഡിലേക്ക് എത്തുമെന്ന് നേരത്തെ റിപ്പോര്ട്ടുകളുണ്ടായിരുന്നു. ഇപ്പോള് സ്ലോട്ട് തന്നെ ഇക്കാര്യം സ്ഥിരീകരിച്ച് രംഗത്തെത്തിയിരിക്കുകയാണ്.

'അടുത്ത വര്ഷം ലിവര്പൂളിന്റെ പരിശീലകനാവുമെന്ന് ഞാന് സ്ഥിരീകരിക്കുന്നു. അതുവരെ എന്റെ അടുത്ത മത്സരത്തിനുള്ള 'ബില്ഡ് അപ്പ്' ആയിരിക്കുമെന്ന് ഞാന് കരുതുന്നില്ല. ഇത് അല്പ്പം വൈകാരികമായ നിമിഷമാണ്. വ്യക്തിപരമായി എനിക്ക് കുറച്ച് ആളുകളോട് യാത്രപറയണം', സ്ലോട്ട് മാധ്യമപ്രവര്ത്തകരോട് പറഞ്ഞു.

യുഗാന്ത്യം; യര്ഗന് ക്ലോപ്പ് ലിവര്പൂള് വിടുന്നു

റെഡ്സിന്റെ പരിശീലകനാകാന് സ്ലോട്ട് നേരത്തെതന്നെ ആഗ്രഹം പ്രകടിച്ചിരുന്നു. ഇതിന് പിന്നാലെയാണ് ഫെയര്നൂര്ഡും ലിവര്പൂളും തമ്മില് ധാരണയിലെത്തിയതായി മാധ്യമങ്ങള് റിപ്പോര്ട്ട് ചെയ്തത്. കഴിഞ്ഞ സീസണില് ഫെയര്നൂര്ഡിനെ ഡച്ച് ലീഗ് ചാമ്പ്യന്മാരാക്കാന് സ്ലോട്ടിന് സാധിച്ചിരുന്നു.