ഞാന് സഹതാരങ്ങള്ക്ക് ഒരു നിര്ദ്ദേശം നല്കി: എമിലിയാനോ മാര്ട്ടിനെസ്

പെനാല്റ്റി ഷൂട്ടൗട്ടിലെ മികവിനെക്കുറിച്ച് തുറന്നുപറഞ്ഞ് അര്ജന്റീനന് ഗോള്കീപ്പര്

റിപ്പോർട്ടർ നെറ്റ്‌വര്‍ക്ക്‌

1 min read|05 Jul 2024, 08:31 pm

ടെക്സസ്: കോപ്പ അമേരിക്ക ഫുട്ബോള് പെനാല്റ്റി ഷൂട്ടൗട്ടിലെ മികവിനെക്കുറിച്ച് തുറന്നുപറഞ്ഞ് അര്ജന്റീനന് ഗോള്കീപ്പര് എമിലിയാനോ മാര്ട്ടിനെസ്.എമിലിയാനോ മാര്ട്ടിനെസ്. ഷൂട്ടൗട്ടിന് തൊട്ടുമുമ്പ് താന് സഹതാരങ്ങള്ക്ക് ഒരു നിര്ദ്ദേശം നല്കി. താന് വീട്ടിലേക്ക് പോകാന് തയ്യാറല്ല. അതുപോലെ തന്റെ സഹതാരങ്ങളും തോറ്റുമടങ്ങാന് തയ്യാറായിരുന്നില്ലെന്നും എമിലിയാനോ മാര്ട്ടിനെസ് പ്രതികരിച്ചു.

അര്ജന്റീന ലോകചാമ്പ്യന്മാരാണ്. കോപ്പ അമേരിക്ക കിരീടവും അര്ജന്റീനയ്ക്ക് സ്വന്തമാണ്. വിജയം ഈ ടീമിന് അവകാശപ്പെട്ടതാണ്. അര്ജന്റീന തോറ്റുകാണാന് ആഗ്രഹിച്ചവര്ക്ക് മത്സരം വിട്ടുനല്കാന് കഴിയില്ല. അതുകൊണ്ട് ഈ മത്സരം തങ്ങള് വിജയിച്ചുവെന്നും എമിലിയാനോ മാര്ട്ടിനെസ് വ്യക്തമാക്കി.

പാഴായ പനേങ്ക കിക്ക്; പരീക്ഷണങ്ങൾ തുടരുന്ന ലയണൽ മെസ്സി

കോപ്പ അമേരിക്ക ഫുട്ബോള് ടൂര്ണമെന്റില് ഇക്വഡോറിനെ പരാജയപ്പെടുത്തിയാണ് അര്ജന്റീന സെമി ഫൈനലില് കടന്നത്. നിശ്ചിത സമയത്ത് ഇരുടീമുകളും ഓരോ ഗോള് വീതം നേടി സമനില പാലിച്ചു. പെനാല്റ്റി ഷൂട്ടൗട്ടില് നിര്ണായകമായ രണ്ട് കിക്കുകള് തടഞ്ഞിട്ട് ഗോള്കീപ്പര് എമിലിയാനോ മാര്ട്ടിനെസ് ആണ് അര്ജന്റീനയുടെ വിജയത്തില് നിര്ണായകമായത്.