Get the latest news at
your fingertips!
Download our app now
LIVE TV
Search
ലണ്ടന്: ഇംഗ്ലീഷ് പ്രീമിയര് ലീഗില് വിജയത്തോടെ തുടങ്ങി ആഴ്സണല്. വോള്വ്സിനെതിരായ മത്സരത്തില് മറുപടിയില്ലാത്ത രണ്ടു ഗോളുകളുടെ വിജയമാണ് ആഴ്സണല് സ്വന്തമാക്കിയത്. മറ്റൊരു മത്സരത്തില് വെസ്റ്റ്ഹാമിനെ തകര്ത്ത് ആസ്റ്റണ് വില്ലയും ലീഗിന് തുടക്കമിട്ടു.
എമിറേറ്റ്സ് സ്റ്റേഡിയത്തില് നടന്ന മത്സരത്തിന്റെ 25-ാം മിനിറ്റിലാണ് ആഴ്സണല് ആദ്യ ഗോള് നേടുന്നത്. കായ് ഹാവേര്ട്സാണ് ഗണ്ണേഴ്സിനെ മുന്നിലെത്തിച്ചത്. ബുകായോ സാകയുടെ കിടിലന് ക്രോസില് നിന്ന് തകര്പ്പന് ഹെഡറിലൂടെ ഹാവേര്ട്സ് പന്ത് വലയിലെത്തിച്ചു. 74-ാം മിനിറ്റില് ഹാവേര്ട്സിന്റെ പാസില് ബുകായോ സാകയും ഗോള് കണ്ടെത്തിയതോടെ ആഴ്സണല് വിജയം ഉറപ്പിച്ചു.
Starting as we mean to go on 💪 pic.twitter.com/Jfs5vUAZK8
— Arsenal (@Arsenal) August 17, 2024
മറ്റൊരു മത്സരത്തില് വെസ്റ്റ്ഹാമിനെതിരെ ആസ്റ്റണ് വില്ല ലീഗിലെ ആദ്യ വിജയം സ്വന്തമാക്കി. വെസ്റ്റ്ഹാമിന്റെ ഹോം ഗ്രൗണ്ടില് ഒന്നിനെതിരെ രണ്ട് ഗോളുകള്ക്കാണ് ആസ്റ്റണ് വില്ല സ്വന്തമാക്കിയത്. നാലാം മിനിറ്റില് ഒനാനയിലൂടെ ആസ്റ്റണ് വില്ല മുന്നിലെത്തിയെങ്കിലും 37-ാം മിനിറ്റില് പെനാല്റ്റിയിലൂടെ വെസ്റ്റ്ഹാം സമനില പിടിച്ചു. എന്നാല് 79-ാം മിനിറ്റില് ജോണ് ഡുറാന് നേടിയ ഗോളിലൂടെ വില്ല വിജയം പിടിച്ചെടുത്തു.
