ഐ എസ് എൽ ഇന്ന് ഓണാകും; ഉദ്ഘാടന മത്സരം മോ​ഹ​ൻ ബഗാനും മും​ബൈ സി​റ്റിയും തമ്മിൽ

ഇന്ത്യൻ സൂപ്പർ ലീഗിന്റെ പതിനൊന്നാം സീസണിന് ഇന്ന് തുടക്കമാവും. ലീഗിലെ പ്രധാന ടീമുകളായ മോ​ഹ​ൻ ബ​ഗാ​നും മും​ബൈ സി​റ്റി​യും തമ്മിലാണ് ആദ്യ മത്സരം. സാൾട്ട്‍ലേക്ക് സ്റ്റേഡിയത്തിൽ ഇന്ന് രാത്രി 7:30 നാണ് കിക്കോഫ്. ഐ എസ് എൽ ടൂർണമെന്റിൽ കിരീടം നേടിയ രണ്ട് പ്രധാന ടീമുകളുടെ പോരാട്ടം കൂടിയാണ് ഇത്.

മോ​ഹ​ൻ ബഗാൻ VS മും​ബൈ സി​റ്റി

ക​ളി​ച്ച നാല് സീ​സ​ണു​ക​ളി​ൽ ഒ​രു കി​രീ​ട​വും ര​ണ്ടു ഫൈ​ന​ലും ഒ​രു പ്ലേ ​ഓ​ഫും ട്രാക്ക് റെക്കോർഡുള്ള ടീമാണ് മോഹൻ ബഗാൻ. ആ​സ്ട്രേ​ലി​യ​ൻ സ്ട്രൈ​ക്ക​ർ ജാ​മി മ​ക്ലാ​ര​ൻ, സ്കോ​ട്ടി​ഷ് താ​രം ടോം ​ആ​ൽ​ഡ്രെ​ഡ്, സ്പാ​നി​ഷ് പ്ര​തി​രോ​ധ താ​രം ആ​ൽ​ബെ​ർ​ട്ടോ റോ​ഡ്രി​ഗ്വ​സ്, ഗോ​ൾ​കീ​പ്പ​ർ ധീ​ര​ജ് സി​ങ് എ​ന്നി​വ​രാ​ണ് ടീമിലെ പ്ര​മു​ഖ​ർ. സ്പാ​നി​ഷ് പരിശീലകൻ ഫ്രാ​ൻ​സി​സ് മൊ​ളി​ന​യുടെ ശിക്ഷണത്തിലാണ് ടീം ഒരുങ്ങുന്നത്.

രണ്ട് ത​വ​ണ ചാ​മ്പ്യ​ന്മാ​രാ​യ മും​ബൈ സിറ്റി എഫ്‌സി മൂന്നാം കിരീടം ലക്ഷ്യമിട്ടാണ് പതിനൊന്നാം സീസണിനിറങ്ങുന്നത്. ഗോ​കു​ലം കേ​ര​ള​യി​ൽ​നി​ന്ന് എ​ത്തി​ച്ച കോ​ഴി​ക്കോ​ട്ടു​കാ​ര​ൻ പി എ​ൻ നൗ​ഫ​ലും, ഗോ​ൾ​കീ​പ്പ​ർ ര​ഹ്നേ​ഷും മലയാളി സാന്നിധ്യമായി ടീമിലുണ്ട് . സ്പാ​നി​ഷ് താ​രം ജോ​ൺ ടോ​റ​ൽ, ഗ്രീ​സ് മു​ന്നേ​റ്റ താ​രം നി​കോ​ളാ​സ് കാ​ര​ലി​സ് എ​ന്നി​വ​രാ​ണ് ടീമിനോടൊപ്പം ചേർന്ന പുതിയ പ്രധാന താരങ്ങൾ. ചെ​ക്ക് പ​രി​ശീ​ല​ക​ൻ പീ​റ്റ​ർ ക്രാ​റ്റ്കി​യാ​ണ് ടീ​മി​നാ​യി ത​ന്ത്ര​ങ്ങ​ൾ ഒ​രു​ക്കു​ന്ന​ത്.

കേ​ര​ള ബ്ലാ​സ്റ്റേ​ഴ്സ്

പത്ത് സീ​സ​ണു​ക​ൾ പൂ​ർ​ത്തി​യാ​ക്കി​യെ​ങ്കി​ലും കി​രീ​ടം മാത്രം ബ്ലാ​സ്റ്റേ​ഴ്സിന് ഇപ്പോഴും കി​ട്ടാ​ക്ക​നി​യാ​ണ്. മൂ​ന്നു​ത​വ​ണ ഫൈ​ന​ലി​ലും ര​ണ്ടു​ത​വ​ണ നോ​ക്കൗ​ട്ടി​ലും വീ​ണ ടീ​മി​ന് ഇ​ത്ത​വ​ണ ആരാധക പിന്തുണ നിലനിർത്താൻ കിരീടം നേടിയേ തീരൂ. മൊ​റോ​ക്ക​ൻ മു​ൻ​നി​ര താ​രം നേ​ഹ സ​ദോ​യി, സ്പാ​നി​ഷ് ഫോ​ർ​വേ​ഡ് ജീ​സ​സ് ജി​മി​നെ​സ്, ഫ്ര​ഞ്ച് പ്ര​തി​രോ​ധ താ​രം അ​ല​ക്സാ​ണ്ട​ർ കോ​ഫ് എ​ന്നി​വ​രാ​ണ് ബ്ലാ​സ്റ്റേ​ഴ്സ് സ്വ​ന്തം ത​ട്ട​ക​ത്തി​ലെ​ത്തി​ച്ച​വ​രി​ൽ പ്ര​മു​ഖ​ർ. ഇവാന്‍ വുകോമനോവിച്ചിന് പകരം സ്വീ​ഡ​ൻ​കാ​ര​ൻ മി​ഖാ​യേ​ൽ സ്റ്റാ​റേയാണ് പുതിയ പരിശീലകൻ. സൂപ്പർ താരം ​അ​ഡ്രി​യാ​ൻ ലൂ​ണ​ തന്നെയാണ് ഇത്തവണയും ക്യാപ്റ്റൻ.

എഫ്‌സി ഗോവ

പത്ത് സീ​സ​ണു​ക​ൾ പൂ​ർ​ത്തി​യാ​ക്കി​യ ടീം ​ഒ​രു ത​വ​ണ മാ​ത്ര​മാ​ണ് ഫൈ​ന​ലി​ലെ​ത്തി​യ​ത്. സെ​ർ​ബി​യ​ൻ വി​ങ്ങ​ർ ഡി​ജാ​ൻ ഡ്രാ​സി​ക്, സ്പാ​നി​ഷ് താ​രം ഐ​ക്ക​ർ ഗു​രോ​ത്‌​സേ​ന, ബോ​ർ​ജ ഹെ​രേ​ര എ​ന്നി​വ​രാ​ണ് ടീ​മി​ലെ പു​തി​യ ക​രു​ത്ത്. സ്പാ​നി​ഷ് പ​രി​ശീ​ല​ക​നും ഇ​ന്ത്യ​ൻ ദേ​ശീ​യ ടീം ​കോ​ച്ചു​മാ​യ മ​നോ​ലോ മാ​ർ​ക്വ​സി​ന്‍റെ കീ​ഴി​ലാ​ണ് ടീ​മൊ​രു​ങ്ങു​ന്ന​ത്. പ്ര​തി​രോ​ധ താ​രം സെ​രി​റ്റോ​ൺ ഫെ​ർ​ണാ​ണ്ട​സാ​ണ് ടീം ​നാ​യ​ക​ൻ.

ഹൈ​ദ​രാ​ബാ​ദ് എഫ്‌സി

നാ​ലു വ​ർ​ഷ​ത്തെ മാ​ത്രം പാ​ര​മ്പ​ര്യ​മുള്ള ടീമിന് പക്ഷേ ഒരു തവണ ചാ​മ്പ്യ​ന്മാ​രാൻ പറ്റിയിട്ടുണ്ട്. എന്നാൽ കഴിഞ്ഞ സീസണിൽ മോശം പ്രകടനം മൂലം 12-ാം സ്ഥാനത്താണ് ഫിനിഷ് ചെയ്തത്. ജ​പ്പാ​ൻ വി​ങ്ങ​ർ സി ​ഗോ​ദാ​ർ​ഡി​നെ ടീമിലെത്തിച്ചതാണ് ഇത്തവണ നടത്തിയ പ്രധാന സൈനിംങ്‌. ത​ങ്ബോ​യി സി​ങ്തോ​യാ​ണ് ടീ​മി​ന്‍റെ മു​ഖ്യ പ​രി​ശീ​ല​ക​ൻ. ബ്ര​സീ​ലി​യ​ൻ മ​ധ്യ​നി​ര താ​രം ജു​ഹാ​ൻ വി​ക്ട​റി​ന്‍റെ നാ​യ​ക​ത്വ​ത്തി​ലാ​ണ് ടീം ​ക​ള​ത്തി​ലി​റ​ങ്ങു​ന്ന​ത്.

ഒ​ഡി​ഷ എ​ഫ്​സി

ഡ​ൽ​ഹി ഡൈ​നാ​മോ​സി​ൽ​നി​ന്ന് ഒ​ഡി​ഷ എഫ്‌സി​യാ​യി മാ​റി​യ ടീം ​ക​ഴി​ഞ്ഞ ര​ണ്ടു സീ​സ​ണു​ക​ളി​ൽ കാ​ഴ്ച​വെ​ച്ച പ്ര​ക​ട​നം ശ്ര​ദ്ധേ​യ​മാ​ണ്. ചാ​മ്പ്യ​ന്മാ​രാ​യും തൊ​ട്ടു​പി​ന്നാ​ലെ റ​ണ്ണേ​ഴ്സാ​യു​മാ​ണ് ര​ണ്ടു സീ​സ​ണു​ക​ൾ അ​വ​ർ അ​വ​സാ​നി​പ്പി​ച്ച​ത്. ഗോ​ൾ കീ​പ്പ​ർ അ​മ​രീ​ന്ദ​ർ സി​ങ്ങി​ന്‍റെ ക്യാ​പ്റ്റ​ൻ​സി​യി​ൽ ക​ള​ത്തി​ലി​റ​ങ്ങു​ന്ന ടീ​മി​ന്‍റെ മു​ഖ്യ പ​രി​ശീ​ല​ക​ൻ സെ​ർ​ജി​യോ ലെ​ബോ​റെ​യാ​ണ്.

ജം​ഷ​ഡ്പു​ർ എ​ഫ്​സി

വമ്പൻ താരങ്ങളുമായി 2017 -18 സീ​സ​ണിൽ അരങ്ങേറ്റം കുറിച്ച ടീമാണ് ജാം​ഷ​ഡ്പു​ർ എ​ഫ്സി . 2012 -22 സീ​സ​ണി​ൽ പ്ലേ ​ഓ​ഫ് കളിച്ചതാണ് ഏറ്റവും മികച്ച പ്രകടനം. ജാ​വി സി​വ​റി​യോ, ജോ​ർ​ഡ​ൻ മു​റെ, ജാ​വി ഹെ​ർ​ണാ​ണ്ട​സ്, ലാ​സ​ർ ക്രി​കോ​വി​ക്, സ്റ്റീ​ഫ​ൻ ഇ​സെ അ​ട​ങ്ങു​ന്ന അ​ഞ്ചം​ഗ വി​ദേ​ശ നി​ര​യെ​യാ​ണ് ടീം ​ഇ​ത്ത​വ​ണ സ്വ​ന്തം ത​ട്ട​ക​ത്തി​ലെ​ത്തി​ച്ച​ത്. ഇ​ന്ത്യക്കാരനായ ഖാ​ലി​ദ് ജാ​മി​ലാ​ണ് ടീ​മി​നാ​യി ഇ​ത്ത​വ​ണ ത​ന്ത്ര​ങ്ങ​ളൊ​രു​ക്കു​ന്ന​ത്.

പ​ഞ്ചാ​ബ് എ​ഫ്​സി

ഐ ​ലീ​ഗി​ൽ​നി​ന്ന് പ്ര​മോ​ഷ​നോ​ടെ ഐഎ​സ്എ​ല്ലി​ലെ​ത്തി​യ പ​ഞ്ചാ​ബി​നി​ത് ഐഎ​സ്എ​ല്ലി​ൽ ര​ണ്ടാം സീ​സ​ണാ​ണ്. ക്രൊ​യേ​ഷ്യ​ൻ ഡി​ഫ​ൻ​സി​വ് മി​ഡ്ഫീ​ൽ​ഡ​ർ ഫി​ലി​പ് മി​സ്‌​ലാ​ക്ക്, നോ​ർ​വേ താ​രം മു​ഷാ​ഗ ബ​കെം​ഗ, അ​ർ​ജ​ന്‍റീ​നി​യ​ൻ മ​ധ്യ​നി​ര താ​രം എ​സെ​ക്വ​ൽ വി​ഡാ​ൽ എ​ന്നി​വ​രാ​ണ് ടീ​മി​നാ​യി ഇ​ത്ത​വ​ണ ബൂട്ടണിയുന്ന പു​തു​മു​ഖ​ങ്ങ​ൾ. ഗ്രീ​സ് പ​രി​ശീ​ല​ക​ൻ പ​നാ​ജി​യോ​ട്ടി​സ് ഡി​ൽ​പെ​രി​സി​നാണ് ഇത്തവണ തന്ത്രങ്ങൾ മെനയുക.

നോ​ർ​ത്ത് ഈ​സ്റ്റ് യുണൈറ്റഡ്

മികച്ച താരനിരയുടെ ബലമില്ലെങ്കിലും ഒത്തൊരുമയിലും ഒത്തിണക്കത്തിലും അത്ഭുതങ്ങൾ കാണിക്കുന്ന ടീമാണ് നോർത്ത് ഈസ്റ്റ് യുണൈറ്റഡ്.
ഇത്തവണ ഡ്യൂ​റ​ൻ​ഡ് ക​പ്പി​ലെ കിരീട നേട്ടം തെളിയിക്കുന്നതും അതാണ്. ഐ എ​സ് എല്ലിൽ ര​ണ്ടു​ത​വ​ണ മാ​ത്രം പ്ലേ​ഓ​ഫ് ക​ളി​ച്ചെ​ങ്കി​ലും ഈ ​സീ​സ​ണി​ൽ അ​തി​ലും മി​ക​ച്ച പ്ര​ക​നം കാ​ഴ്ച​വെ​ക്കാ​നാ​കു​മെ​ന്ന പ്ര​തീ​ക്ഷ​യി​ലാ​ണ്. ഡ്യൂ​റ​ൻ​ഡ് ക​പ്പി​ലെ പ്ലെയർ ഓഫ് ദി ടൂർണമെന്റായ
മ​ല​യാ​ളി താ​രം എം എ​സ് ജി​തിനിൽ തന്നെയാണ് ടീമിന്റെ പ്രധാന പ്രതീക്ഷ. മൊ​റോ​ക്ക​ൻ ഫോ​ർ​വേ​ഡ് അ​ലാ​ഡി​ൻ അ​ജ​റൈ​യെ​യും, സ്പാ​നി​ഷ് താ​രം ഗി​ല്ലെ​ർ​മോ ഫെ​ർ​ണാ​ണ്ട​സി​നെ​യും ഇത്തവണ ടീമിലെത്തിച്ചിട്ടുണ്ട്. മ​ല​യാ​ളി താ​ര​ങ്ങ​ളാ​യ ഷി​ഗി​ൽ ന​മ്പ്ര​ത്ത്, ഷാ​ജ​ൻ ഫ്രാ​ങ്ക്ലി​ൻ, ഗോ​ൾ​കീ​പ്പ​ർ മി​ർ​ഷാ​ദ് മി​ച്ചു എ​ന്നി​വ​രും ടീ​മി​ലുണ്ട്. സ്പാ​നി​ഷ് ലീ​ഗി​ല​ട​ക്കം പ​രി​ശീ​ലി​പ്പി​ച്ച് പ​രി​ച​യ​മു​ള്ള സ്പാ​നി​ഷ് പ​രി​ശീ​ല​ക​ൻ ജു​ഹാ​ൻ ബെ​നാ​ലി​യാ​ണ് ത​ന്ത്ര​ങ്ങ​ൾ മെ​ന​യു​ന്ന​ത്.

ഈ​സ്റ്റ് ബം​ഗാ​ൾ

ഐ​എ​സ്എ​ല്ലി​ൽ നാ​ല് സീ​സ​ണു​കൾ പൂർത്തിയാക്കിയിട്ടും ഇത് വരെ പ്ളേ ഓഫിലേക്ക് കടക്കാൻ കഴിഞ്ഞിട്ടില്ല ടീമിന്. ക​ഴി​ഞ്ഞ സീ​സ​ണി​ലെ ഗോ​ൾ​വേ​ട്ട​ക്കാ​ര​നായിരുന്ന കേ​ര​ള ബ്ലാ​സ്റ്റേ​ഴ്സിന്റെ ഗ്രീ​സ് താ​രം ദി​മി​ത്രി​യോ​സ് ഡ​യ​മ​ന്‍റ​കോ​സി​നെ ​സ്വന്തമാക്കിയതാണ് പ്രധാന നീക്കം. 2023 ഡ്യൂ​റ​ൻ​ഡ് ക​പ്പി​ലെ ടോ​പ് സ്കോ​ററായിരുന്ന ഡേ​വി​ഡ് ലാ​ൽ​ല​ൻ​സം​ഗ​യെയും സ്വന്തമാക്കിയിട്ടുണ്ട്. ഫ്ര​ഞ്ച് മു​ന്നേ​റ്റ​താ​രം മാ​ദി​ഹ് ത​ലാ​ൽ, പ്ര​തി​രോ​ധ താ​രം ജാ​ക്സ​ൺ സി​ങ് എ​ന്നി​വ​രും പു​തു​താ​യി എ​ത്തി​യ താരങ്ങളാണ്. വി പി സു​ഹൈ​ർ, കോ​ഴി​ക്കോ​ട്ടു​കാ​ര​ൻ സികെ അ​മ​ൻ, ജെ​സി​ൻ തോ​ണി​ക്ക​ര, വി​ഷ്ണു പു​തി​യ​വ​ള​പ്പി​ൽ എ​ന്നി​വ​ർ മ​ല​യാ​ളി സാ​ന്നി​ധ്യ​മാ​യി ടീ​മി​ലു​ണ്ട്. സ്പാ​നി​ഷ് പ​രി​ശീ​ല​ക​ൻ കാ​ർ​ലെ​സ് ക്വാ​ഡ്രാ​റ്റി​ന്‍റെ കീ​ഴി​ൽ ടീം ​ഒ​രു​ങ്ങി​ത്ത​ന്നെ​യാ​ണ് അ​ങ്ക​ത്തി​നെ​ത്തു​ന്ന​ത്. വ​ൻ തു​ക​ക്ക് കൊ​ണ്ടു​വ​ന്ന ഡി​ഫ​ൻ​ഡ​ർ അ​ൻ​വ​ർ അ​ലി​യെ ക​രാ​ർ ലം​ഘ​ന​ത്തി​ന്റെ നാ​ല് മാ​സ​ത്തേ​ക്ക് വി​ല​ക്കി‍യ​ത് ടീമിന് തിരിച്ചടിയാണ്.

ബം​ഗ​ളൂ​രു എ​ഫ്സി

ഏ​ഴു വ​ർ​ഷ​ത്തെ ഐ എ​സ് എൽ പാ​ര​മ്പ​ര്യ​മാ​ണ് ബം​ഗ​ളൂ​രു എ​ഫ്സിക്കുള്ളത്. അ​തി​നി​ട​യി​ൽ മൂ​ന്ന് ഫൈ​ന​ലു​ക​ൾ കളിച്ചിട്ടുണ്ട്. ഇന്ത്യയുടെ എക്കാലത്തെയും ഇതിഹാസ താരം സു​നി​ൽ ഛേത്രി അന്താരാഷ്ട്ര ഫുട്‍ബോളിൽ നിന്ന് വിരമിച്ചതിന് ശേഷമുള്ള ആദ്യ ഐ എസ് എൽ സീസൺ കൂടിയാണ്. സ്പാ​നി​ഷ് മു​ന്നേ​റ്റ താ​രം എ​ഡ്ഗ​ർ മെ​ൻ​ഡ​സ്, മു​ൻ ബ്ലാ​സ്റ്റേ​ഴ്സ് താ​രം പെ​രേ​ര ഡ​യ​സ്, ആ​ൽ​ബ​ർ​ട്ടോ നോ​ഗു​റെ, പെ​ഡ്രോ കാ​പോ, രാ​ഹു​ൽ ബേ​കേ എ​ന്നി​വ​രാ​ണ് ടീ​മി​ന്‍റെ പു​തി​യ സൈനിംഗുകൾ. സ്പാ​നി​ഷ് പരിശീലകൻ ജെ​റാ​ർ​ഡ് സെ​റ​ഗോ​സ​യു​ടെ കീ​ഴി​ലാ​ണ് ടീം ​പ​രി​ശീ​ലി​ക്കു​ന്ന​ത്.

മു​ഹ​മ്മ​ദ​ൻ​സ് എ​ഫ്സി

ഇത്തവണത്തെ ഐ ലീഗ് ചാമ്പ്യന്മാർ എന്ന പകിട്ടോടെയാണ് മുഹമ്മദൻസ് വരുന്നത്. റ​ഷ്യ​ൻ മു​ൻ ഡി​ഫ​ൻ​ഡ​റാ​യ ആ​ന്ദ്രേ ചെ​ർ​നി​ഷോ​വിന് കീഴിലാണ് ടീമിറങ്ങുന്നത്. ടീമിലെ ​മല​യാ​ളി സാ​ന്നി​ധ്യ​മാ​യി വ​ളാ​ഞ്ചേ​രി​ക്കാ​ര​ൻ മു​ഹ​മ്മ​ദ് ജാ​സി​മും തി​രൂ​ർ​ക്കാ​ര​ൻ മു​ഹ​മ്മ​ദ് ഇ​ർ​ഷാ​ദും ടീ​മി​ലു​ണ്ട്. ഉ​സ്ബ​കി​സ്താ​ൻ താ​രം മി​ർ​ജാ​ലോ​ൽ കാ​ഷി​മോ​വും അ​ല​ക്സി ഗോ​മ​സുമാണ് മു​ൻ​നി​രയിലുള്ളത്.

ചെ​ന്നൈ​യി​ൻ എ​ഫ്സി

ഐഎസ്എല്ലിൽ ഏറ്റവും സക്സസ്ഫുൾ ക്ലബ്ബുകളിലൊന്നാണ് ചെന്നൈയിൻ എഫ്‌സി. ആ​ദ്യ സീ​സ​ണി​ൽ ​ത​ന്നെ ടേ​ബ്ൾ ടോ​പ്പേ​ഴ്സ്, 2015ൽ ​ര​ണ്ടാം ഐഎ​സ്എ​ൽ ചാ​മ്പ്യ​ന്മാ​ർ, 2017 -18 സീ​സ​ണി​ലും ജേ​താ​ക്ക​ൾ, തൊ​ട്ട​ടു​ത്ത വ​ർ​ഷം റ​ണ്ണേ​ഴ്സ്, തുടങ്ങി മറ്റേത് ടീമിനും അവകാശപ്പെടാനില്ലാത്ത പെരുമ ചെന്നൈക്കുണ്ട്. മു​ന്നേ​റ്റ നി​ര​യെ നയിക്കാൻ കൊ​ളം​ബി​യ​ൻ സ്ട്രൈ​ക്ക​ർ വി​ൽ​മ​ർ ജോ​ഡ​നെയും തട്ടകത്തിലെത്തിച്ചിട്ടുണ്ട്. കി​യാ​ൻ നാ​സി​രി​, ഡി​ഫ​ൻ​ഡ​ർ വി​ഗ്നേ​ഷ് ദ​ക്ഷി​ണ​മൂ​ർ​ത്തി, ഡാ​നി​യ​ൽ ചി​മ, മ​ന്ദ​ർ റാ​വു ദേ​സാ​യി തുടങ്ങി താരങ്ങളും മത്സരം കയ്യിലൊതുക്കാൻ പോന്നവരാണ്.

Football

Football

ഇം​ഗ്ലീഷ് പ്രീമിയർ ലീ​ഗ്: സിറ്റിയെ വീഴ്ത്തി യുണൈറ്റഡ് ആവേശം, ഒന്നാം സ്ഥാനത്തിന് അടുത്ത് ചെൽസി

Football

ഇന്ത്യൻ സൂപ്പർ ലീ​ഗ്: മുഹമ്മദൻസിനെതിരെ മുംബൈ സിറ്റിക്ക് നിർണായക വിജയം

Football

സന്തോഷ് ട്രോഫിയില്‍ കേരളത്തിന് വിജയത്തുടക്കം; ത്രില്ലര്‍ പോരില്‍ ഗോവയെ വീഴ്ത്തി

Football

ഇം​ഗ്ലീഷ് പ്രീമിയർ ലീ​ഗ്: ഫുൾഹാമിനോട് സമനില പിടിച്ച് ലിവർപൂൾ