Get the latest news at
your fingertips!
Download our app now
LIVE TV
Search
തുടർച്ചയായ രണ്ട് തോൽവികൾക്ക് ശേഷം ഇംഗ്ലീഷ് പ്രീമിയർ ലീഗിൽ വിജയവഴിയിൽ തിരിച്ചെത്തി മാഞ്ചസ്റ്റർ യുണൈറ്റഡ്. എവേ മത്സരത്തിൽ സതാംപ്ടണെ മറുപടിയില്ലാത്ത മൂന്ന് ഗോളിനാണ് ടെൻ ഹാഗും സംഘവും തകർത്തത്. മാത്തിസ് ഡി ലിറ്റ്, മാർകസ് റാഷ്ഫോഡ്, അലജാന്ദ്രോ ഗാർണാച്ചോ എന്നിവരാണ് യുണൈറ്റഡിനായി വലകുലുക്കിയത്.
മത്സരത്തിന്‍റെ ആദ്യ പകുതിയിൽ സതാംപ്ടണ് അനുകൂലമായി ലഭിച്ച പെനാൽറ്റി മാഞ്ചസ്റ്റർ യുണൈറ്റഡ് ഗോൾക്കീപ്പർ ആന്ദ്രെ ഒനാന രക്ഷപ്പെടുത്തിയിരുന്നു. 79ാം മിനിറ്റിൽ ജാക് സ്‌റ്റെഫൻസ് ചുവപ്പ് കാർഡ് വാങ്ങിയതോടെ അവസാന മിനിറ്റുകളിൽ പത്തുപേരുമായാണ് സതാംപ്ടൺ പൊരുതിയത്. ജയത്തോടെ നാലു മത്സരങ്ങളിൽ നിന്ന് ആറു പോയന്‍റുമായി യുണൈറ്റഡ് ഏഴാം സ്ഥാനത്തേക്ക് കയറി. നാല് മത്സരങ്ങളും തോറ്റ സതാംപ്ടൺ പത്തൊമ്പതാം സ്ഥാനത്താണ്.
നേരത്തെ ബ്രൈട്ടനോടും ലിവർപൂളിനോടുമാണ് മാഞ്ചസ്റ്റർ യുണൈറ്റഡ് തോൽവി വഴങ്ങിയത്. നാല് മത്സരങ്ങളിൽ മൂന്ന് ജയവും ഒരു സമനിലയുമായി മാഞ്ചസ്റ്റർ സിറ്റിയും ലിവർപൂളുമാണ് ഒന്നും രണ്ടും സ്ഥാനത്ത്.
