Get the latest news at
your fingertips!
Download our app now
LIVE TV
Search
സ്പാനിഷ് ഫുട്ബോൾ ലീഗിൽ വിയ്യാറയലിനെതിരായ മത്സരത്തിനിടെ പരിക്കേറ്റ ബാഴ്സലോണ ഗോൾകീപ്പറും ക്യാപ്റ്റനുമായ മാർക് ആന്ദ്രെ ടെർസ്റ്റീഗന്റെ പകരക്കാരനെക്കുറിച്ച് വ്യക്തമായ പദ്ധതികളുണ്ടെന്ന് ക്ലബ് പ്രസിഡന്റ് ജാവിയർ ടെബാസ്. ശമ്പള അടിസ്ഥാനത്തിൽ ടെർസ്റ്റീഗന് തുല്യമോ അതിൽ കുറവോ നൽകാൻ കഴിയുന്ന ഒരാളെയാണ് ഗോൾകീപ്പറായി പരിഗണിക്കുന്നതെന്നാണ് ബാഴ്സ പ്രസിഡന്റിന്റെ വാക്കുകൾ. ഒരുപക്ഷേ ഇപ്രകാരം ഒരാളെ ലഭിക്കുകയാണെങ്കിൽ ഗോൾകീപ്പർ അല്ലെങ്കിലും പ്രശ്നമില്ലെന്നും ജാവിയർ ടെബാസ് വ്യക്തമാക്കുന്നു.
വിയ്യാറയലിനെതിരായ മത്സരത്തിൽ ഒരു ഹൈ ക്രോസിൽ നിന്നുള്ള പന്ത് പിടിച്ചെടുക്കാൻ ശ്രമിക്കവേ, നിലത്തുവീണ ടെർസ്റ്റീഗന്റെ വലതു കാൽമുട്ടിനാണ് പരിക്കേറ്റത്. പിന്നാലെ സ്ട്രെച്ചറിൽ താരം മൈതാനം വിട്ടിരുന്നു. പകരം ഗോൾകീപ്പറായി ഇനാകി പെന കളത്തിലെത്തി. ടെർസ്റ്റീഗന് ശസ്ത്രക്രിയയും ദീർഘകാല വിശ്രമവും വേണ്ടി വരുമെന്ന് ബാഴ്സലോണ പിന്നീട് അറിയിച്ചു.
ലാ ലീഗ സീസണിൽ തകർപ്പൻ മുന്നേറ്റമാണ് ബാഴ്സ നടത്തിക്കൊണ്ടിരിക്കുന്നത്. കളിച്ച ആറ് മത്സരങ്ങളിലും എതിരാളികളെ തകർത്തെറിഞ്ഞായിരുന്നു ബാഴ്സയുടെ മുന്നേറ്റം. കഴിഞ്ഞ സീസൺ കിരീടമില്ലാതെ അവസാനിപ്പിച്ച സ്പാനിഷ് ക്ലബിന് ഇത്തവണ തിരിച്ചുവരവിനുള്ള അവസരമാണ്.
