Get the latest news at
your fingertips!
Download our app now
LIVE TV
Search
ഫ്രാൻസ് ഫുട്ബോൾ താരം അന്റോയിന്‍ ഗ്രീസ്മാന് അന്താരാഷ്ട ഫുട്‌ബോളില്‍നിന്ന് വിരമിച്ചു. വിരമിക്കൽ പ്രഖ്യാപിച്ചുകൊണ്ടുള്ള വീഡിയോ താരം സാമൂഹികമാധ്യങ്ങളില്‍ പങ്കുവെച്ചു. 2018ല്‍ ഫിഫ ലോകകപ്പ് നേടിയ ഫ്രാന്‍സ് ടീമില്‍ ഗ്രീസ്മാൻ അംഗമായിരുന്നു. ക്രൊയേഷ്യയ്ക്കെതിരായ ഫൈനൽ വിജയത്തിന് ഗ്രീസ്മാൻ ഗോളും സംഭാവന ചെയ്തിരുന്നു.
2018ലെ റഷ്യൻ ലോകകപ്പിൽ മാത്രം ഏഴ് മത്സരങ്ങളില്‍ നിന്നായി ഗ്രീസ്മാൻ നാല് ഗോളുകൾ നേടി. 2022ൽ ഗ്രീസ്മാൻ ഉൾപ്പെട്ട ഫ്രാൻസ് ടീം ലോകകപ്പിന്റെ ഫൈനൽ കളിച്ചു. 2021ൽ യുവേഫ നേഷൻസ് ലീഗ് നേടിയ ഫ്രാൻസ് ടീമിലും ഗ്രീസ്മാൻ അംഗമാണ്. 2022ലെ ലോകകപ്പിൽ ഫൈനലിസ്റ്റുകളായ ഫ്രാൻസ് ടീമിന് വേണ്ടി ഗ്രീസ്മാന് ഗോൾ നേടാനായില്ല. എങ്കിലും മൂന്ന് അസിസ്റ്റുകൾ ഗ്രീസ്മാന്റെ സംഭാവനയായിരുന്നു.
രാജ്യത്തിനായി 137 മത്സരങ്ങളില്‍ ബൂട്ടുകെട്ടിയ ഗ്രീസ്മാൻ 33-ാം വയസിലാണ് വിരമിക്കൽ പ്രഖ്യാപിച്ചിരിക്കുന്നത്. 44 ഗോളുകൾ ഫ്രഞ്ച് ടീമിനായി ഗ്രീസ്മാൻ വലയിലാക്കി. കരിയറിൽ പിന്തുണച്ച എല്ലാവർക്കും ഗ്രീസ്മാൻ പിന്തുണ വിരമിക്കൽ വീഡിയോയിൽ താരം നന്ദി പറയുന്നുണ്ട്. മികച്ച അനുഭവങ്ങളോടെയാണ് താൻ അന്താരാഷ്ട്ര ഫുട്ബോൾ കരിയർ അവസാനിപ്പിക്കുന്നതെന്നും ഗ്രീസ്മാൻ വ്യക്തമാക്കുന്നു.
