Get the latest news at
your fingertips!
Download our app now
LIVE TV
Search
ഇന്ത്യൻ സൂപ്പർ ലീഗിൽ മുഹമ്മദൻസിനെ തകർത്ത് മോഹൻ ബഗാൻ. എതിരില്ലാത്ത മൂന്ന് ഗോളുകൾക്കാണ് മോഹൻ ബഗാൻ മുഹമ്മദൻസിനെ തകർത്തെറിഞ്ഞത്. മോഹൻ ബഗാന്റെ ആധിപത്യം കണ്ട ആദ്യ പകുതിയിൽ തന്നെയാണ് മൂന്ന് ഗോളുകളും പിറന്നത്. എട്ടാം മിനിറ്റിൽ ജാമി മക്ലാരൻ, 31-ാം മിനിറ്റിൽ സുബാഷിഷ് ബോസ്, 36-ാം മിനിറ്റിൽ ഗ്രെഗ് സ്റ്റെവാർട്ട് എന്നിവരാണ് മോഹൻ ബഗാനായി ഗോളുകൾ നേടിയത്. ആദ്യ പകുതിയിൽ മുഹമ്മദൻസ് ചിത്രത്തിലില്ലായിരുന്നു.
രണ്ടാം പകുതിയിലും മോഹൻ ബഗാൻ മത്സരത്തിലെ ആധിപത്യം തുടർന്നു. നിരവധി അവസരങ്ങൾ സൃഷ്ടിച്ചെങ്കിലും രണ്ടാം പകുതിയിൽ ഗോളെണ്ണം കൂട്ടാൻ ബഗാന് കഴിഞ്ഞില്ല. എങ്കിലും ജോസ് മൊളീനയുടെ ടീമിന് ഏറെ ആത്മവിശ്വാസം നൽകുന്ന വിജയമാണ് മോഹൻ ബഗാൻ നേടിയത്.
നാല് മത്സരങ്ങളിൽ നിന്ന് രണ്ട് ജയവും ഒരു സമനിലയും ഒരു തോൽവിയുമുള്ള മോഹൻ ബഗാന് ഏഴ് പോയിന്റാണുള്ളത്. ടേബിളിൽ നാലാം സ്ഥാനത്തേയ്ക്ക് ഉയരാനും ബഗാന് കഴിഞ്ഞു. നാല് മത്സരങ്ങളിൽ നിന്ന് ഒരു ജയവും ഒരു സമനിലയും രണ്ട് തോൽവിയുമുള്ള മുഹമ്മദൻസ് പോയിന്റ് ടേബിളിൽ 10-ാം സ്ഥാനത്താണ്.
Mohun Bagan won Kolkata Derby, hammpered Mohammedan SC
