LIVE TV
ഇന്നലെ നടന്ന ഐ എസ് എൽ പോരാട്ടത്തിൽ ഹൈദരാബാദിനെ ഒന്നിനെതിരെ രണ്ടു ഗോളിന് വീഴ്ത്തി ജംഷഡ്പൂർ. ഇതോടെ പോയിന്റ് ടേബിളിൽ ജംഷഡ്പൂർ രണ്ടാം സ്ഥാനത്തേക്ക് കയറി. റീ ടക്കിക്കവ, ജോർഡൻ മറേ എന്നിവർ ജംഷഡ്പൂരിനായി ഗോളുകൾ നേടിയപ്പോൾ ഹൈദരാബാദിനായി ഗൊദ്ദാർദ് ആശ്വാസ ഗോൾ കണ്ടെത്തി.
ഗോൾ നേടിയില്ലെങ്കിലും ജംഷഡ്പൂരിനായി മൈതാനം നിറഞ്ഞു കളിച്ച മുഹമ്മദ് സനാനാണ് കളിയിലെ കേമൻ. 29-ാം മിനിറ്റിൽ സനാന്റെ ഇടതുവിങ്ങിൽ നിന്നുള്ള ക്രോസാണ് ആദ്യഗോളിന് വഴിയൊരുക്കിയത്. മലപ്പുറം മഞ്ചേരി സ്വദേശിയാണ് സനാൻ. നിലവിൽ അഞ്ച് കളികളിൽ 13 പോയിന്റുമായി ബെംഗളൂരുവാണ് ഐ എസ് എൽ പോയിന്റ് ടേബിളിൽ ഒന്നാമത്. ജംഷഡ്പൂർ ഒരു പോയിന്റ് പിറകിൽ രണ്ടാം സ്ഥാനത്ത് നിൽക്കുമ്പോൾ നാല് കളികളിൽ ഒരുപോയിന്റ് മാത്രമുള്ള ഹൈദരാബാദ് 12ാമതാണ്. അഞ്ച് കളികളിൽ നിന്ന് രണ്ട് ജയവും രണ്ട് സമനിലയും ഒരു ജയവുമായി എട്ട് പോയിന്റിൽ അഞ്ചാം സ്ഥാനത്താണ് കേരള ബ്ലാസ്റ്റേഴ്സ്.
Content Highlights: Jamshedpur fc vs Hyderabad fc-isl 2024 25
