Get the latest news at
your fingertips!
Download our app now
LIVE TV
Search
കിങ്സ് കപ്പ് ഫുട്ബോൾ ടൂർണമെന്റിൽ അൽ താവുനോട് പരാജയപ്പെട്ട് അൽ നസർ പുറത്ത്. എതിരില്ലാത്ത ഒരു ഗോളിനാണ് അൽ നസർ അൽ താവുനെ പരാജയപ്പെടുത്തിയത്. മത്സരത്തിന്റെ രണ്ടാം പകുതിയുടെ ഇഞ്ച്വറി ടൈമിൽ 96-ാം മിനിറ്റിൽ അൽ നസറിന് അനുകൂലമായി ഒരു പെനാൽറ്റി ലഭിച്ചു. സൂപ്പർതാരം ക്രിസ്റ്റ്യാനോ റൊണാൾഡോ ഇത് നഷ്ടപ്പെടുത്തിയതോടെ മത്സരം സമനിലയാക്കാനുള്ള അവസരമാണ് നഷ്ടമായത്.
കിങ്സ് കപ്പ് റൗണ്ട് 16ലായിരുന്നു അൽ താവൂനും അൽ നസറും ഏറ്റുമുട്ടിയത്. 71-ാം മിനിറ്റിൽ മത്സരത്തിൽ ആദ്യ ഗോൾ പിറന്നു. അൽ താവൂൻ താരം വാലിദ് അൽ അഹമ്മദ് ആണ് ഈ ഗോൾ അടിച്ചത്. പിന്നാലെ സമനില ഗോൾ കണ്ടെത്താനായി അൽ നസറിന്റെ ശ്രമം. 96-ാം മിനിറ്റിൽ ലഭിച്ച പെനാൽറ്റിയിൽ ക്രിസ്റ്റ്യാനോയുടെ ഷോട്ട് ഗോൾപോസ്റ്റിന് മുകളിലേക്കാണ് പോയത്.
🚨🚨| Cristiano Ronaldo missed a penalty in the 90+6' that could have tied the game, knocking Al-Nassr out of the King Cup... 🫣
— CentreGoals. (@centregoals) October 29, 2024
pic.twitter.com/LtYrEVshnP
മത്സരത്തിലെ പരാജയത്തിന് പിന്നാലെ സമൂഹമാധ്യമങ്ങളിൽ പ്രതികരണവുമായി സൂപ്പർതാരം രംഗത്തെത്തി. എല്ലാ വെല്ലുവിളികളും ഉയർച്ചയിലേക്കുള്ള അവസരങ്ങളാണെന്ന് താരം സമൂഹമാധ്യമങ്ങളിൽ കുറിച്ചു. നവംബർ ഒന്നിന് സൗദി പ്രോ ലീഗിലാണ് അൽ നസറിന്റെ അടുത്ത മത്സരം. നിലവിൽ സൗദി പ്രോ ലീഗ് പോയിന്റ് ടേബിളിൽ മൂന്നാമതാണ് അൽ നസർ.
Contnet Highlights: Cristiano Ronaldo Misses Penalty as Al-Nassr Exits King's Cup Against Al-Taawoun
