Get the latest news at
your fingertips!
Download our app now
LIVE TV
Search
തന്റെ യുട്യൂബ് ചാനലിലെ അടുത്ത അതിഥി ഇന്റർനെറ്റിന്റെ അതിർവരമ്പുകൾ തകർക്കുമെന്ന് കഴിഞ്ഞ ദിവസം പോർച്ചുഗീസ് സൂപ്പർതാരം ക്രിസ്റ്റ്യാനോ റൊണാൾഡോ പോസ്റ്റ് ചെയ്തിരുന്നു. തൊട്ടുപിന്നാലെ അർജന്റീനൻ ഇതിഹാസ താരം ലയണൽ മെസ്സിക്കൊപ്പമുള്ള ചിത്രം പങ്കുവെച്ചിരിക്കുകയാണ് പോർച്ചുഗീസ് താരം. 'യുവർ ക്രിസ്റ്റ്യാനോ' എന്ന സമൂഹമാധ്യമ അക്കൗണ്ടിലൂടെയാണ് ചിത്രം പങ്കുവെച്ചത്. ഇതോടെ ഇന്റർനെറ്റിൽ തരംഗമാകാൻ പോകുന്ന റൊണാൾഡോയുടെ യുട്യൂബ് അതിഥി മെസ്സിയാണോ എന്ന ചർച്ചയിലാണ് കായിക ലോകം.
ഈ വർഷം ആഗസ്റ്റിലാണ് ക്രിസ്റ്റ്യാനോ റൊണാൾഡോ യുട്യൂബ് ചാനൽ ആരംഭിച്ചത്. ഒരു ദിവസത്തിനുള്ളിൽ റൊണാൾഡോയുടെ ചാനലിന് 20 മില്യൺ സബ്സ്ക്രൈബേഴ്സിനെ ലഭിച്ചിരുന്നു. നിലവിൽ 67 മില്യൺ ആളുകളാണ് റൊണാൾഡോയുടെ യുട്യൂബ് ചാനൽ സബ്സ്ക്രൈബ് ചെയ്തിരിക്കുന്നത്.
നിലവിൽ പോർച്ചുഗൽ ടീമിനൊപ്പം യുവേഫ നേഷൻസ് ലീഗിന്റെ ഭാഗമാണ് റൊണാൾഡോ. ഇന്ന് ക്രൊയേഷ്യയ്ക്കെതിരെ നടക്കുന്ന മത്സരത്തിൽ റൊണാൾഡോയ്ക്ക് വിശ്രമം അനുവദിച്ചിട്ടുണ്ട്. ഫിഫ ലോകകപ്പ് യോഗ്യതാ മത്സരത്തിൽ അർജന്റിനൻ ടീമിനൊപ്പമാണ് ലയണൽ മെസ്സി. നവംബർ 20ന് നടക്കുന്ന മത്സരത്തിൽ അർജന്റീന പെറുവിനെ നേരിടും.
Content Highlights: Lionel Messi On UR Cristiano? Cristiano Ronaldo REVEALS His Next Guest On His YouTube Channel Will 'Break The Internet'
