Get the latest news at
your fingertips!
Download our app now
LIVE TV
Search
ഇന്ത്യൻ സൂപ്പർ ലീഗിൽ രണ്ട് തുടർതോൽവികൾക്ക് ശേഷം വിജയവഴിയിൽ തിരിച്ചെത്തി പഞ്ചാബ് എഫ് സി. നിലവിലെ ചാംപ്യന്മാരായ മുംബൈ സിറ്റിയെ എതിരില്ലാത്ത മൂന്ന് ഗോളുകൾക്കാണ് പഞ്ചാബ് പരാജയപ്പെടുത്തിയത്. പുൾഗ വൈഡൽ, ലൂക്ക മാജ്സൻ, മുഷാഗ ബകെംഗ എന്നിവരാണ് പഞ്ചാബിനായി ഗോളുകൾ നേടിയത്.
മത്സരത്തിന്റെ ആദ്യ മിനിറ്റുകളിൽ തന്നെ മുംബൈ താളം കണ്ടെത്തി. എന്നാൽ അതിവേഗം പഞ്ചാബും മത്സരത്തിലേക്ക് വന്നു. പക്ഷേ ആദ്യ ഗോളിനായി ആദ്യ പകുതിയുടെ ഇഞ്ച്വറി ടൈമിൽ 46-ാം മിനിറ്റ് വരെ കാത്തിരിക്കേണ്ടി വന്നു. മുംബൈ ബോക്സിന് പുറത്ത് ലഭിച്ച പന്ത് പുൾഗ വൈഡൽ വലയിലാക്കി. ആദ്യ പകുതിയിൽ ഒരു ഗോളിന് ലീഡ് ചെയ്യാനും പഞ്ചാബിന് കഴിഞ്ഞു.
രണ്ടാം പകുതിയിൽ 53-ാം മിനിറ്റിലാണ് പഞ്ചാബ് വീണ്ടും വലചലിപ്പിച്ചത്. പെനാൽറ്റിയിലൂടെ ലൂക്ക മാജ്സനാണ് പഞ്ചാബിനായി ഗോൾ നേടിയത്. 85-ാം മിനിറ്റിൽ ബകെംഗയുടെ ഗോളും പിറന്നു. ഇതോടെ മത്സരത്തിൽ 3-0ത്തിന്റെ വിജയം പഞ്ചാബ് ആഘോഷിച്ചു. വിജയത്തോടെ ഐഎസ്എൽ പോയിന്റ് ടേബിളിൽ പഞ്ചാബ് നാലാം സ്ഥാനത്തേയ്ക്ക് ഉയർന്നു. എട്ട് മത്സരങ്ങളിൽ നിന്ന് അഞ്ച് ജയമാണ് പഞ്ചാബിനുള്ളത്. എട്ട് മത്സരങ്ങളിൽ നിന്ന് രണ്ട് ജയം മാത്രമുള്ള മുംബൈ സിറ്റി 10-ാം സ്ഥാനത്താണ്.
Content Highlights: Punjab FC have absolutely thrashed Mumbai City FC in latest ISL match
