Get the latest news at
your fingertips!
Download our app now
LIVE TV
Search
കഴിഞ്ഞ ദിവസങ്ങളിലായി ഫുട്‌ബോള്‍ ലോകത്തെ പിടിച്ചുകുലുക്കിയ വാര്‍ത്തയാണ് ബ്രസീലിയന്‍ സൂപ്പര്‍ താരം നെയ്മര്‍ ജൂനിയറിന്റെ കൂടുമാറ്റം. സൗദി അറേബ്യന്‍ ക്ലബ്ബ് അല്‍ ഹിലാലുമായുള്ള കരാര്‍ റദ്ദാക്കിയ നെയ്മര്‍ മുന്‍ ക്ലബ്ബായ സാന്റോസിലേക്ക് തിരിച്ചെത്തിയിരിക്കുകയാണ്. അക്കാദമി മുതല്‍ പത്തുവര്‍ഷം സാന്റോസിലായിരുന്ന നെയ്മര്‍ പിന്നീട് ബാഴ്സലോണ, പിഎസ്ജി ടീമുകള്‍ക്ക് വേണ്ടിയും ബൂട്ടണിഞ്ഞിട്ടുണ്ട്.
എന്നാല്‍ ഇപ്പോള്‍ ബാഴ്‌സ ആരാധകരെ ആവേശത്തിലാക്കുന്ന റിപ്പോര്‍ട്ടുകളാണ് പുറത്തുവരുന്നത്. ബാഴ്സലോണയുടെ ചരിത്രത്തില്‍ തന്നെ സൂപ്പര്‍ താരങ്ങളിലൊരാളായ നെയ്മര്‍ ക്ലബ്ബിലേക്ക് തിരികെ എത്തിയേക്കുമെന്ന സൂചനകളാണ് ഇപ്പോള്‍ പുറത്തുവരുന്നത്. ബാഴ്സലോണയുടെ ടീം ഡയറക്ടറായ ഡീക്കോയാണ് ക്ലബ്ബിലേക്കുള്ള നെയ്മറിന്റെ തിരിച്ചുവരവിന്റെ സാധ്യതകളെക്കുറിച്ച് സൂചനകള്‍ നല്‍കിയത്.
"A deal with him can never be ruled out" 👀
— KickOff Online (@KickOffMagazine) January 25, 2025
Barcelona Sporting Director Deco has made some surprising remarks about Neymar, who has been linked with a departure at Al Hilal.
Read more ➡️ https://t.co/40DJliiqEQ pic.twitter.com/OyC91u9eQT
'നെയ്മറിന് ബാഴ്സലോണയിലേക്ക് തിരിച്ചുവരാന്‍ ഇപ്പോഴും വിദൂര സാധ്യതകളുണ്ട്. സൗദി അറേബ്യയിലേക്ക് ചേക്കേറിയതോടെ നെയ്മറിന്റെ പ്രതിഫലം വളരെയധികം ഉയര്‍ന്നിട്ടുണ്ട്. അദ്ദേഹം വളരെ ചിലവേറിയ താരമാണെന്ന് എല്ലാവര്‍ക്കും അറിയാം. ലോകത്തിലെ ഏറ്റവും മികച്ച താരങ്ങളിലൊരാളാണ് നെയ്മര്‍'.
'ഇപ്പോഴും വലിയ പ്രതിഭയുള്ള താരങ്ങളിലൊരാളാണ് നെയ്മര്‍. ലോകത്തിലെ ഏതൊരു ക്ലബ്ബും അവനെ ടീമിലെത്തിക്കാന്‍ ഇപ്പോഴും തയ്യാറാവും. അദ്ദേഹവുമായുള്ള കരാര്‍ ഒരിക്കലും തള്ളിക്കളയാനാവില്ല. അവന്‍ വീണ്ടും ഫുട്‌ബോള്‍ കളിക്കുക എന്നതാണ് ഏറ്റവും പ്രധാനപ്പെട്ട കാര്യം', വിയ സ്പോര്‍ട്ടിന് നല്‍കിയ അഭിമുഖത്തില്‍ ഡീക്കോ വ്യക്തമാക്കി.
Content Highlights: Neymar could make sensational return to Barcelona following switch to boyhood club Santos: Reports
