Get the latest news at
your fingertips!
Download our app now
LIVE TV
Search
ലോവ: യുഎസ് ഓപ്പണ് ബാഡ്മിന്റണില് ഒരേ ദിനം ജയവും തിരിച്ചടിയും നേരിട്ട് ഇന്ത്യ. പുരുഷ സിംഗിള്സില് ഇന്ത്യയുടെ ലക്ഷ്യാ സെന് സെമിയിലെത്തിയപ്പോള് വനിതാ സിംഗിള്സില് ഇന്ത്യയുടെ ഒളിംപിക് മെഡല് ജേതാവ് പി വി സിന്ധു പരാജയപ്പെട്ട് പുറത്തായി. വെള്ളിയാഴ്ച നടന്ന ക്വാര്ട്ടര് ഫൈനലില് ഇന്ത്യയുടെ തന്നെ ശങ്കര് മുത്തുസ്വാമിയെ കീഴടക്കിയാണ് ലക്ഷ്യ സെമിയിലേക്ക് പ്രവേശിച്ചത്.
2022ലെ കോമണ്വെല്ത്ത് ഗെയിംസ് ചാംപ്യനായ ലക്ഷ്യാ സെന് 2110, 21-17 എന്ന സ്കോറിനാണ് ശങ്കര് മുത്തുസ്വാമിയെ പരാജയപ്പെടുത്തിയത്. ജൂലൈ പത്തിന് അവസാനിച്ച കനേഡിയന് ബാഡ്മിന്റണില് ചാംപ്യനായ ലക്ഷ്യ യുഎസ് ഓപ്പണിലും മികച്ച ഫോമാണ് കാഴ്ച വെക്കുന്നത്. ലോക ഏഴാം നമ്പര് താരമായ ചൈനയുടെ ലി ഷിഫെങ്ങിനെയാണ് 12-ാം നമ്പര് താരമായ ലക്ഷ്യ സെമിയില് നേരിടുക.
വനിതാ സിംഗിള്സ് ക്വാര്ട്ടര് ഫൈനലില് ചൈനയുടെ ഗാവോ ഫാങ് ജീയോടാണ് ഇന്ത്യയുടെ ഒളിംപിക് മെഡല് ജേതാവും ലോക 15-ാം നമ്പര് താരവുമായ പി വി സിന്ധു പരാജയപ്പെട്ടത്. നേരിട്ടുള്ള ഗെയിമുകള്ക്കാണ് ഇന്ത്യയുടെ മെഡല് പ്രതീക്ഷയായിരുന്ന സിന്ധു പരാജയം വഴങ്ങിയത്. സ്കോര്: 20-22, 12-21. ഞായറാഴ്ചയാണ് വനിതാ സിംഗിള്സ് ഫൈനല്.
