LIVE TV
ഹാങ്ചൗ: ഏഷ്യന് ഗെയിംസില് ഇന്ത്യയുടെ മെഡല് വേട്ട 100ല് എത്തി. 25-ാം സ്വര്ണം നേടിയാണ് നൂറ് മെഡലുകളെന്ന ചരിത്രനേട്ടം ഇന്ത്യ സ്വന്തമാക്കിയത്. വനിതകളുടെ കബഡിയില് ചൈനീസ് തായ്പേയിയെ തകര്ത്ത് സ്വര്ണമെഡല് നേടിയതോടെയാണ് രാജ്യത്തിന്റെ മെഡല് നേട്ടം 100ല് എത്തിയത്. ശനിയാഴ്ച നടന്ന ഫൈനലില് 26-25 എന്ന സ്കോറിനായിരുന്നു ഇന്ത്യയുടെ വിജയം. ഇതോടെ 25 സ്വര്ണവും 35 വെള്ളിയും 40 വെങ്കലവുമടക്കമാണ് ഇന്ത്യ 100 മെഡല് സ്വന്തമാക്കിയത്.
INDIA
— India_AllSports (@India_AllSports) October 7, 2023
100 medals ✅
25 Gold ✅
India win GOLD medal in Women Kabaddi after beating Chinese Taipei 26-24 in a thrilling Final.
Historic Golden GOLD for India as it gets India 100th medal overall & 25th Gold #AGwithIAS #IndiaAtAsianGames #AsianGames2022 pic.twitter.com/2zp2Nq0rCd
ഗെയിംസിന്റെ 14-ാം ദിനമായ ഇന്ന് ഇന്ത്യ സ്വന്തമാക്കുന്ന അഞ്ചാം മെഡലാണിത്. നേരത്തെ അമ്പെയ്ത്തില് ഇരട്ടസ്വര്ണമടക്കം നാല് മെഡലുകള് ഇന്ത്യ സ്വന്തമാക്കിയിരുന്നു. അമ്പെയ്ത്തില് പുരുഷന്മാരുടെ കോമ്പൗണ്ട് വ്യക്തിഗത ഇനത്തില് ഇന്ത്യ സ്വര്ണവും വെള്ളിയും സ്വന്തമാക്കി. ഓജസ് പ്രവീണാണ് ഇന്ത്യയുടെ 24-ാം സ്വര്ണമെഡല് നേടിയത്. ഫൈനലില് ഇന്ത്യയുടെ തന്നെ അഭിഷേക് വര്മ്മയെയാണ് പരാജയപ്പെടുത്തിയതോടെയാണ് സ്വര്ണവും വെള്ളിയും ഇന്ത്യ സ്വന്തമാക്കിയത്.
അമ്പെയ്ത്തില് വനിതകളുടെ കോമ്പൗണ്ട് വ്യക്തിഗത ഇനത്തില് ഇന്ത്യയുടെ ജ്യോതി സുരേഖ വെന്നം സ്വര്ണമെഡല് സ്വന്തമാക്കി. ഫൈനലില് കൊറിയയെ 149-145 എന്ന സ്കോറിന് തകര്ത്താണ് ഇന്ത്യ ഒന്നാമതെത്തിയത്. ഇതേയിനത്തില് ഇന്ത്യ വെങ്കലവും നേടിയിട്ടുണ്ട്. ഇന്ത്യയുടെ അതിഥി സ്വാമിയാണ് വെങ്കലം കരസ്ഥമാക്കിയത്. ഇന്തോനേഷ്യയെ 146-140 ന് തകര്ത്താണ് ഇന്ത്യന് താരം മൂന്നാമതെത്തിയത്.
റിപ്പോർട്ടർ ടിവിയുടെ വാട്സാപ്പ് ചാനലിൽ ജോയിൻ ചെയ്യുന്നതിനായി ഇവിടെ ക്ലിക്ക് ചെയ്യുക
