Get the latest news at
your fingertips!
Download our app now
LIVE TV
Search
പാരിസ്: പാരിസ് ഒളിംപിക്സില് ഇന്ത്യയുടെ മെഡല് പ്രതീക്ഷയായ പി വി സിന്ധു ക്വാര്ട്ടര് കാണാതെ പുറത്ത്. വനിതാ ബാഡ്മിന്റണില് ചൈനയുടെ ഹി ബിംഗ് ജിയാവോടാണ് സിന്ധു അടിയറവ് പറഞ്ഞത്. നേരിട്ടുള്ള ഗെയിമുകള്ക്കായിരുന്നു ചൈനീസ് താരത്തിന്റെ വിജയം. സ്കോര് 19-21, 14-21.
മത്സരത്തില് എതിരാളിയെ വിറപ്പിച്ചാണ് സിന്ധുവിന്റെ മടക്കം. ആദ്യ ഗെയിമില് വിജയത്തിനരികില് വരെയെത്താന് ഇന്ത്യന് താരത്തിന് സാധിച്ചിരുന്നു. ആദ്യ ഗെയിമിന്റെ തുടക്കത്തില് ജിയാവോ 7-2ന് മുന്നേറിയിരുന്നെങ്കിലും സിന്ധു ശക്തമായി തിരിച്ചുവന്നു. ഒരു ഘട്ടത്തില് സ്കോര് 19-19ല് എത്തിയിരുന്നു. എന്നാല് അടുത്ത രണ്ടുപോയിന്റുകളും നേടി ജിയാവോ ഗെയിം സ്വന്തമാക്കി.
ലക്ഷ്യത്തിലേക്ക് ലക്ഷ്യ സെന്; 'ഇന്ത്യന് പ്രീക്വാര്ട്ടറി'ല് പ്രണോയ്ക്ക് പരാജയംരണ്ടാം ഗെയിമില് തിരിച്ചുവരാന് സിന്ധുവിനെ ജിയാവോ അനുവദിച്ചില്ല. ലീഡ് കാത്തുസൂക്ഷിച്ച് മുന്നേറിയ ജിയാവോ 21-14ന് രണ്ടാം ഗെയിമും ഒപ്പം മത്സരവും നേടിയെടുക്കുകയും ചെയ്തു. ബാഡ്മിന്റണില് ലക്ഷ്യ സെന് മാത്രമാണ് ഇനി ഇന്ത്യയുടെ പ്രതീക്ഷ.
