Get the latest news at
your fingertips!
Download our app now
LIVE TV
Search
പാരിസ്: ഒളിംപിക്സ് ഗുസ്തിയില് ഇന്ത്യയ്ക്ക് മെഡല് പ്രതീക്ഷ നല്കി മുന്നേറിയ റീതിക ഹൂഡയ്ക്ക് തോല്വി. വനിതകളുടെ 76 കിലോഗ്രാം ഫ്രീസ്റ്റൈലില് ക്വാര്ട്ടര് ഫൈനലിലാണ് റീതിക പുറത്തായത്. ഒന്നാം നമ്പര് താരമായ കിര്ഗിസ്താന്റെ അയ്പെറി മെഡെറ്റ് കിസിയോടാണ് റീതിക പൊരുതിവീണത്.
ആവേശപ്പോരാട്ടത്തില് 1-1 എന്ന സ്കോറിന് റീതിക പിടിച്ചുനിന്നെങ്കിലും കൗണ്ട് ബാക്ക് റൂളില് കിര്ഗിസ്താന് താരം വിജയം പിടിച്ചെടുക്കുകയായിരുന്നു. അതേസമയം റീതികയുടെ പ്രതീക്ഷകള് ഇനിയും അവസാനിച്ചിട്ടില്ല. കിര്ഗിസ്താന് താരം കിസി ഫൈനലിലെത്തിയാല് റീതികയ്ക്ക് റെപ്പഷാജ് മത്സരത്തില് പങ്കെടുക്കാന് അവസരം ലഭിക്കും.
🇮🇳😓 𝗗𝗲𝗳𝗲𝗮𝘁 𝗳𝗼𝗿 𝗥𝗲𝗲𝘁𝗶𝗸𝗮! Reetika Hooda faced defeat against World No. 1, Aiperi Kyzy, in the quarter-final in the women's freestyle 76kg category. Despite the result it was a great effort from her.
— India at Paris 2024 Olympics (@sportwalkmedia) August 10, 2024
🤼♀ Reetika Hooda's campaign at #Paris2024 isn't over yet as… pic.twitter.com/GOXmcmLKyb
പ്രീക്വാര്ട്ടറില് ഹംഗറിയുടെ ബെര്ണാഡെറ്റ് നാഗിയെ കീഴടക്കിയാണ് റീതിക ക്വാര്ട്ടറിലേക്ക് മുന്നേറിയത്. 12-2 എന്ന സ്കോറിനായിരുന്നു ഇന്ത്യന് താരത്തിന്റെ വിജയം. എട്ടാം സീഡും രണ്ടുതവണ യൂറോപ്യന് ചാമ്പ്യനുമായ താരമാണ് ബെര്ണാഡെറ്റ്.
