Get the latest news at
your fingertips!
Download our app now
LIVE TV
Search
ന്യൂഡല്ഹി: സോഷ്യല് മീഡിയയില് വൈറലായ കാര്യം തന്റെ അമ്മയ്ക്ക് അറിയില്ലെന്ന് നീരജ് ചോപ്ര. പാരിസ് ഒളിംപിക്സില് തന്റെ മകനെ പിന്തള്ളി സ്വര്ണം നേടിയ പാകിസ്താന് താരം അര്ഷാദ് നദീമും തനിക്ക് മകനെ പോലെയാണെന്നായിരുന്നു നീരജിന്റെ അമ്മ സരോജ ദേവിയുടെ വാക്കുകള്. ഈ പ്രതികരണം സോഷ്യല് മീഡിയയിലും അന്താരാഷ്ട്ര മാധ്യമങ്ങളില് വരെയും ഏറെ ചര്ച്ച ചെയ്യപ്പെട്ടിരുന്നു. ഇപ്പോള് തന്റെ അമ്മയുടെ വാക്കുകള് ശ്രദ്ധ നേടിയതിനെ കുറിച്ച് പ്രതികരിക്കുകയാണ് നീരജ്.
'ഒരു സാധാരണ കുടുംബത്തില് വളര്ന്ന അമ്മ വിവാഹത്തിന് ശേഷവും ഗ്രാമത്തിലാണ് താമസിക്കുന്നത്. സമൂഹ മാധ്യമങ്ങളിലൊന്നും അമ്മയില്ല. അവര് അധികം വാര്ത്തകളും കാണാറില്ല. മനസ്സില് എന്ത് തോന്നുന്നുവോ അവരത് പറയും. അമ്മ എപ്പോഴും ഹൃദയത്തില് നിന്നാണ് സംസാരിക്കാറുള്ളത്. അമ്മയ്ക്ക് എന്നോട് എന്ത് തോന്നുന്നുവോ, എന്റെ കുടുംബത്തിലുള്ളവര്ക്ക് എന്ത് തോന്നുന്നുവോ, എന്റെ രാജ്യത്തിന് എന്നോട് എന്തുതോന്നുന്നുവോ, അതേ സ്നേഹം മറ്റൊരു രാജ്യത്തുള്ള കായികതാരത്തിനും അവരുടെ ചുറ്റുപാടും നിന്ന് ലഭിക്കുന്നുണ്ടെന്നാണ് അവര് കരുതുന്നത്. അത് ചിന്തിച്ചാകും അമ്മ അങ്ങനെ സംസാരിച്ചിട്ടുണ്ടാകുക', നീരജ് പറഞ്ഞു.
'താന് പറഞ്ഞത് വൈറലായെന്നോ ഇന്റര്നെറ്റില് തരംഗമായെന്നോ ഒന്നും അവര്ക്കറിയില്ലെന്ന് എനിക്കുറപ്പുണ്ട്. അവര് ഫോണോ മറ്റ് സോഷ്യല് മീഡിയയോ ഒന്നും ഉപയോഗിക്കാറില്ല. പിന്നെ അമ്മയ്ക്ക് ഇതെല്ലാം എങ്ങനെ അറിയാന് സാധിക്കും?', നീരജ് കൂട്ടിച്ചേര്ത്തു.
'ഒരു അമ്മയ്ക്ക് മാത്രം പറയാന് കഴിയുന്ന വാക്കുകള്'; നീരജിന്റെ അമ്മയെ പുകഴ്ത്തി ഷുഹൈബ് അക്തര്92.97 മീറ്റര് എറിഞ്ഞ് ഒളിംപിക് റെക്കോര്ഡോടെയാണ് അര്ഷാദ് സ്വര്ണം നേടിയത്. 89.45 മീറ്റര് എറിഞ്ഞാണ് നീരജ് വെള്ളി ഉറപ്പിച്ചത്. ഇതിനുപിന്നാലെയാണ് മകന് പാരിസ് ഒളിംപിക്സില് വെള്ളിമെഡല് നേടിയതില് തങ്ങള് സന്തുഷ്ടരാണെന്നും സ്വര്ണം നേടിയ അര്ഷദ് നദീമും തന്റെ മകനാണെന്നുമായിരുന്നു സരോജ ദേവി പറഞ്ഞത്.
