Get the latest news at
your fingertips!
Download our app now
LIVE TV
Search
ന്യൂഡല്ഹി: വിനേഷ് ഫോഗട്ട് യഥാര്ത്ഥ പോരാളിയാണെന്ന് ഇന്ത്യന് ഹോക്കി ഇതിഹാസതാരം പി ആര് ശ്രീജേഷ്. അയോഗ്യയാക്കപ്പെട്ടതിന് പിന്നാലെ വിനേഷുമായുള്ള കൂടിക്കാഴ്ചയെ കുറിച്ച് സംസാരിക്കുകയായിരുന്നു ശ്രീജേഷ്. അവരുടെ വേദന ഒരു പുഞ്ചിരിക്ക് പിന്നില് ഒളിച്ചുവെച്ചെന്ന് തോന്നിയെന്നും ശ്രീജേഷ് മാധ്യമങ്ങളോട് പറഞ്ഞു.
'ഇന്ത്യന് ഹോക്കി ടീമിന്റെ വെങ്കല മെഡല് പോരാട്ടത്തിന് മുന്പ് ഞാന് വിനേഷ് ഫോഗട്ടിനെ കണ്ടിരുന്നു. 'ആശംസകള് ഭയ്യാ, നന്നായി കളിക്കൂ' എന്ന് അവര് എന്നോട് പറഞ്ഞു. ആ പുഞ്ചിരിയില് അവരുടെ വേദന മറച്ചുപിടിക്കുകയാണെന്ന് എനിക്ക് തോന്നി. ഫോഗട്ട് ഒരു യഥാര്ത്ഥ പോരാളിയാണ്', ശ്രീജേഷ് പറഞ്ഞു.
'ഫൈനലിലെത്തിയ വിനേഷ് മെഡല് അര്ഹിച്ചിരുന്നു. അവളില് നിന്ന് അവരത് തട്ടിയെടുക്കുകയായിരുന്നു. വിനേഷ് വളരെ കരുത്തുള്ള താരമാണ്. അവരുടെ സ്ഥാനത്ത് ഞാന് ആയിരുന്നെങ്കില് എന്ത് ചെയ്യുമെന്ന് എനിക്ക് അറിയില്ല', ശ്രീജേഷ് കൂട്ടിച്ചേര്ത്തു.
വിജയ'ശ്രീ'ജേഷ് ഇന്ത്യയിലെത്തി; ഒളിംപ്യന്മാർക്ക് രാജകീയ വരവേൽപ്പ്അതേസമയം പാരിസ് ഒളിംപിക്സ് ഗുസ്തിയില് അയോഗ്യയാക്കിയ നടപടിക്കെതിരെ ഇന്ത്യന് താരം വിനേഷ് ഫോഗട്ട് നല്കിയ അപ്പീലില് ലോക കായിക കോടതി വിധി പറയുന്നത് വീണ്ടും നീട്ടിയിരിക്കുകയാണ്. ആഗസ്റ്റ് 16 വെള്ളിയാഴ്ചത്തേയ്ക്കാണ് വിധി പറയാൻ നീട്ടിയിരിക്കുന്നത്.
പാരിസ് ഒളിംപിക്സ് 50 കിലോഗ്രാം ഗുസ്തിയിൽ ഫൈനലിൽ കടന്ന ശേഷമാണ് വിനേഷ് ഫോഗട്ടിന് അയോഗ്യത ലഭിച്ചത്. അനുവദനീയമായതിലും 100 കിലോഗ്രാം കൂടുതൽ ശരീരഭാരം താരത്തിന് തിരിച്ചടിയായി. ഫൈനൽ വരെയെത്തിയതിനാൽ വെള്ളി മെഡലിന് തനിക്ക് അർഹതയുണ്ടെന്നാണ് വിനേഷിന്റെ വാദം. ഗുസ്തി നിയമങ്ങളിൽ മാറ്റം വരുത്താനാകില്ലെന്നാണ് റെസ്ലിംഗ് ബോഡി പറയുന്നത്.
പാരിസ് ഒളിംപിക്സ് അവസാനിച്ചപ്പോൾ ഇന്ത്യ ആറ് മെഡലോടെ 71-ാം സ്ഥാനത്ത് ഫിനിഷ് ചെയ്തു. ഒരു വെള്ളിയും അഞ്ച് വെങ്കലവുമാണ് ഇന്ത്യൻ സംഘത്തിന്റെ നേട്ടം. വിനേഷ് ഫോഗട്ടിന് അയോഗ്യത ലഭിച്ചതോടെയാണ് ടോക്കിയോ ഒളിംപിക്സിലെ ഏഴ് മെഡലുകൾക്കൊപ്പമെത്താൻ ഇന്ത്യയ്ക്ക് കഴിയാതെ പോയത്.
