Get the latest news at
your fingertips!
Download our app now
LIVE TV
Search
വാഷിങ്ടണ് ഡിസി: അമേരിക്കന് പ്രസിഡന്ഷ്യല് തിരഞ്ഞെടുപ്പില് വിജയിച്ചാല് ടെസ്ല സിഇഒ ഇലോണ് മസ്കിന് സ്ഥാനങ്ങള് നല്കുമെന്ന പ്രഖ്യാപനവുമായി റിപ്പബ്ലിക്കന് പാര്ട്ടി സ്ഥാനാര്ത്ഥിയും മുന് അമേരിക്കന് പ്രസിഡൻ്റുമായ ഡൊണാള്ഡ് ട്രംപ്. മസ്കിനെ മന്ത്രിസഭയിലേക്കോ ഉപദേശക സമിതിയിലേക്കോ പരിഗണിക്കുമെന്ന് അന്താരാഷ്ട്ര വാര്ത്താ ഏജന്സിയായ റോയിട്ടേഴ്സിന് നല്കിയ അഭിമുഖത്തില് ട്രംപ് പ്രതികരിച്ചു. മസ്ക് തയ്യാറാണെങ്കില് ഈ പദവികളിലേക്ക് പരിഗണിക്കാന് തയ്യാറാണെന്ന് ട്രംപ് അറിയിച്ചു.
'അദ്ദേഹം സമര്ത്ഥനായ ആളാണ്. അദ്ദേഹം തയ്യാറാണെങ്കില് ഞാനും തയ്യാറാണ്. അവന് മിടുക്കനാണ്,' ട്രംപ് പറഞ്ഞു. ട്രംപിനെ പ്രസിഡന്റ് സ്ഥാനത്തേക്ക് മസ്കും അംഗീകരിച്ചിരുന്നു. പെന്സില്വാനിയയില് വെച്ചുണ്ടായ വധശ്രമത്തെ തരണം ചെയ്ത് വന്ന ട്രംപിന്റെ ധൈര്യത്തെ പ്രകീര്ത്തിച്ചുകൊണ്ടും മസ്ക് രംഗത്തെത്തിയിരുന്നു. മാത്രവുമല്ല, ഈ മാസം തുടക്കത്തില് എക്സിലൂടെ ഇരുവരും നടത്തിയ അഭിമുഖത്തിലൂടെ മസ്ക് ട്രംപിനുള്ള പിന്തുണ നല്കുകയും ചെയ്തു.
മോദി യുക്രെയ്നിലേക്ക്; മേഖലയിലെ സമാധാനത്തിന് എല്ലാവരും ഒരുമിച്ചുനിൽകണമെന്ന് ഇന്ത്യഅതേസമയം നേരത്തെ ട്രംപ് ഭരണകൂടത്തിന് കീഴില് മസ്ക് ഉപദേശക പദവി കൈകാര്യം ചെയ്തിരുന്നു. 2016ലെ തിരഞ്ഞെടുപ്പില് ട്രംപ് വിജയിച്ചതിന് പിന്നാലെ രണ്ട് ഉപദേശക സമിതിയില് മസ്കിനെ നിയമിച്ചിരുന്നു. കുടിയേറ്റ, പരിസ്ഥിതി നയങ്ങളില് സ്വാധീനം ചെലുത്താനും മസ്കിന് സാധിച്ചിരുന്നു. എന്നാല് 2017ല് പാരീസ് കാലാവസ്ഥാ ഉടമ്പടിയില് നിന്നും അമേരിക്കയെ പിന്വലിക്കാനുള്ള ട്രംപിന്റെ തീരുമാനത്തെ തുടര്ന്ന് മസ്ക് രാജിവെച്ചു.
Perfect name https://t.co/qOUblToy7v
— Elon Musk (@elonmusk) August 20, 2024
എക്സിലെ ട്രംപുമായുള്ള അഭിമുഖത്തില് മാലിന്യനിര്മാജനത്തിന് സര്ക്കാര് കാര്യക്ഷമതാ കമ്മീഷന് പോലുള്ള കമ്മിറ്റിയുടെ ആശയം പങ്കുവെച്ച മസ്ക് തനിക്ക് അതില് പ്രവര്ത്തിക്കാന് ആഗ്രഹമുണ്ടെന്നും പറഞ്ഞിരുന്നു. ട്രംപിന്റെ പ്രഖ്യാപനത്തിന് പിന്നാലെ മസ്കിന്റെ സ്ഥാനമെന്തായിരിക്കുമെന്നുള്ള ചര്ച്ചകള് എക്സില് നടന്നുകൊണ്ടിരിക്കുകയാണ്. പല തരത്തിലുള്ള പോസ്റ്റുകളില് ഒരെണ്ണം മസ്ക് പങ്കുവെച്ചിട്ടുമുണ്ട്. സര്ക്കാര് കാര്യക്ഷമതാ വകുപ്പ് (ഡിപ്പാര്ട്മെന്റ് ഓഫ് ഗവര്ണ്മെന്റ് എഫിഷ്യന്സി- ഡിഒജിഇ) എന്നെഴുതിയ പോസ്റ്റാണ് മസ്ക് പങ്കുവെച്ചത്. മികച്ച പേരെന്ന് ക്യാപ്ഷന് നല്കിയാണ് മസ്ക് പോസ്റ്റ് പങ്കുവെച്ചിരിക്കുന്നത്.
