Get the latest news at
your fingertips!
Download our app now
LIVE TV
Search
ഇസ്ലാമാബാദ്: പാകിസ്താനിലെ പ്രമുഖ ടിക് ടോക് താരമായ ഇംഷ റഹ്മാൻ വിവാദത്തിൽ. ഇംഷയുടേതെന്ന പേരിൽ സോഷ്യൽ മീഡിയയിൽ അശ്ലീല വീഡിയോ വ്യാപകമായി പ്രചരിക്കുകയാണ്. ഒരു യുവാവിനോടൊപ്പമുള്ള ഇംഷയുടെ ഇന്റിമേറ്റ് വീഡിയോകൾ ഇൻസ്റ്റഗ്രാം, വാട്സ് ആപ്പ്, എക്സ് തുടങ്ങിയ സമൂഹ മാധ്യമങ്ങളിലൂടെ പങ്കുവെയ്ക്കപ്പെട്ടിട്ടുണ്ടെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു.
വീഡിയോ പ്രചരിച്ചതിന് പിന്നാലെ താരത്തിനെതിരെ സൈബർ ആക്രമണവും രൂക്ഷമായിരിക്കുകയാണ്. സംഭവത്തെ തുടർന്ന് ഇംഷ റഹ്മാൻ തൻ്റെ ഇൻസ്റ്റാഗ്രാം, ടിക് ടോക് അക്കൗണ്ടുകൾ ഡി-ആക്ടിവേറ്റ് ചെയ്തതായും റിപ്പോർട്ടുകളുണ്ട്.
രണ്ടാം തവണയാണ് പാകിസ്താനിൽ സമാനമായ സംഭവമുണ്ടാകുന്നത്. കഴിഞ്ഞ മാസം ഒക്ടോബറിൽ പാകിസ്താനി ടിക് ടോക് താരം മിനാഹിൽ മാലികും സമാനമായ വിവാദത്തിൽ അകപ്പെട്ടിരുന്നു. മിനാഹിൽ മാലിക്കിന്റെയും കാമുകൻ്റെയും ഒരു സ്വകാര്യ വീഡിയോ ഓൺലൈനിൽ ചോർന്നതിന് പിന്നാലെ താരത്തിന് നേരെ ശക്തമായ സൈബർ ആക്രമണമാണ് ഉണ്ടായത്. പാക് നടി മിഷി ഖാൻ ഉൾപ്പെടെ ചിലർ ഇതൊരു പബ്ലിസിറ്റി സ്റ്റണ്ടാണെന്ന് ആരോപിച്ചപ്പോൾ മറ്റ് ചിലർ താരത്തെ പിന്തുണച്ചും രംഗത്തെത്തിയിരുന്നു.
Content Highlight : Pakistani TikToker Imsha Rehman deactivates social media accounts after explicit video leaked online
