Get the latest news at
your fingertips!
Download our app now
LIVE TV
Search
കൊച്ചി: സോളാര് പീഡനകേസില് ഹൈബി ഈഡന് എംപിക്കും ക്ലീന് ചിറ്റ്. സിബിഐ അന്തിമ റിപ്പോര്ട്ട് കോടതി അംഗീകരിച്ചു. ഹൈബി ഈഡനെതിരായ സോളാര് പീഡന ലൈംഗിക പരാതിയില് തെളിവ് കണ്ടെത്താന് അന്വേഷണത്തില് സാധിച്ചിട്ടില്ലെന്നാണ് റിപ്പോര്ട്ടില് വ്യക്തമാക്കുന്നത്.
ആരോപണങ്ങള് തെളിയിക്കുന്ന ശക്തമായ തെളിവുകള് നല്കാന് പരാതിക്കാരിക്ക് കഴിഞ്ഞിട്ടില്ലെന്നും കേസില് ശാസ്ത്രീയമായ തെളിവുകള് കണ്ടെത്താന് കഴിഞ്ഞിട്ടില്ലെന്നും സിബിഐ കോടതിയെ നേരത്തെ അറിയിച്ചിരുന്നു.
ആറ് കേസുകളായിരുന്നു സോളാര് പീഡനപരാതിയുമായി ബന്ധപ്പെട്ട് സിബിഐ രജിസ്റ്റര് ചെയ്തത്. മുന് മുഖ്യമന്ത്രി ഉമ്മന്ചാണ്ടി, കെ സി വേണുഗോപാല്, എ പി അനില്കുമാര്, ഹൈബി ഈഡന്, അടൂര് പ്രകാശ്, ബിജെപി നേതാവ് എ ബി അബ്ദുള്ളകുട്ടി എന്നിവര്ക്കെതിരെയാണ് എഫ്ഐആര് രജിസ്റ്റര് ചെയ്തത്.
അതിനിടെ സോളാര് കേസ് പ്രതിയുടെ പീഡന പരാതിയില് മുന് മുഖ്യമന്ത്രി ഉമ്മന്ചാണ്ടിയുടെ പേര് ഗൂഢാലോചനയിലൂടെ എഴുതിച്ചേര്ത്തെന്ന കേസില് കെ ബി ഗണേഷ് കുമാര് എംഎല്എയോട് നേരിട്ട് ഹാജരാകാന് നിര്ദേശിച്ചിട്ടുണ്ട്. കെബി ഗണേഷ്കുമാര് ഒക്ടോബര് 18 ന് കൊട്ടാരക്കര കോടതിയില് ഹാജരാകണമെന്നാണ് നിര്ദേശം നല്കിയിരിക്കുന്നത്. പരാതിക്കാരിക്കും വീണ്ടും സമന്സ് അയക്കും. കൊട്ടാരക്കര ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതിയാണ് കേസ് പരിഗണിക്കുന്നത്.
റിപ്പോർട്ടർ ടിവിയുടെ വാട്സാപ്പ് ചാനലിൽ ജോയിൻ ചെയ്യുന്നതിനായി ഇവിടെ ക്ലിക്ക് ചെയ്യുക
