ഏകീകൃത കുർബാന തർക്കം; 'അനുസരിച്ചില്ലെങ്കിൽ പുറത്തുപോകാം', അന്ത്യശാസനം നൽകി വത്തിക്കാൻ പ്രതിനിധി

കൊച്ചി: ഏകീകൃത കുർബാന തർക്കത്തിൽ എറണാകുളം അങ്കമാലി അതിരൂപതയ്ക്ക് മുമ്പിൽ ഇനി രണ്ടു വഴികളെന്ന സന്ദേശം നൽകി വത്തിക്കാൻ പ്രതിനിധി ആർച് ബിഷപ്പ് സിറിൽ വാസ്. ഒന്നുകിൽ മാർപാപ്പയുടെ നിർദേശങ്ങൾ പൂർണമായും അംഗീകരിക്കുക അതല്ലെങ്കിൽ സിറോ മലബാർ സഭയ്ക്ക് പുറത്തേക്കുള്ള വഴിയാകുമെന്ന സന്ദേശമാണ് വത്തിക്കാൻ പ്രതിനിധി നൽകിയത്.

ഏകീകൃത കുർബാന തർക്കത്തിൽ ഇന്നലെ കൊച്ചിയിലെത്തിയ മാർപാപ്പയുടെ പ്രതിനിധി ആർച് ബിഷപ്പ് സിറിൽ വാസ് വ്യക്തമായ സന്ദേശമാണ് വിമത വിഭാഗത്തിന് നൽകിയത്. എറണാകുളം അങ്കമാലി അതിരൂപതയ്ക്ക് കത്തോലിക്കാ സഭയിൽ തുടരണമെങ്കിൽ പൂർണമായും മാർപാപ്പയുടെ ഉത്തരവ് അനുസരിക്കേണ്ടിവരും. കാതോലിക്കാസഭയിൽ മാർപാപ്പയുടെ വാക്കുകൾ അന്തിമമായിരിക്കെ അതിനെ വെല്ലുവിളിച്ചു തുടരനാണ് നിലപാടെങ്കിൽ എറണാകുളം അങ്കമാലി അതിരൂപതയ്ക്ക് വലിയ വില നൽകേണ്ടി വരും. ഏകീകൃത കുർബാന അംഗീകരിക്കാത്ത ഇടവകകൾ അടച്ചുപൂട്ടാനുള്ള നിർദേശമാകും വത്തിക്കാൻ സ്വീകരിക്കുക. വൈദികർക്കും ഇത് ബാധകമാകും.

കഴിഞ്ഞ ക്രിസ്മസ് ദിനത്തിൽ സെന്റ്മേരീസ് ബസലിക്കയിലുണ്ടായ അതിക്രമങ്ങളിൽ വിമത വിഭാഗത്തിലെ ചില വൈദികർക്കെതിരെ നടപടിക്ക് ഈ ദിവസങ്ങളിൽ സാധ്യതയുണ്ട്. ഇത് സംബന്ധിച്ചുള്ള അച്ചടക്ക നടപടി വത്തിക്കാൻ അനുമതിയോടെ സിറിൽ വാസ് നടപ്പാക്കിയേക്കും. എന്നാൽ മാർപാപ്പ അയച്ച വീഡിയോ സന്ദേശത്തിൽ അന്വേഷണം വേണമെന്ന നിലപാടുമായി എറണാകുളം അങ്കമാലി അതിരൂപത വൈദികർ രംഗത്തെത്തി. വസ്തുതകൾക്ക് നിരക്കാത്ത കാര്യങ്ങളാണ് വീഡിയോ സന്ദേശത്തിൽ ഉണ്ടായതെന്നും വൈദികർ നിലപാടെടുക്കുന്നു. ഒപ്പം അഡ്മിനിസ്ട്രേറ്റർ പദവിയിൽനിന്ന് സ്ഥാനമൊഴിഞ്ഞ ആർച് ബിഷപ്പ് ആൻഡ്റൂസ് താഴത്ത് ഇനിയും എറണാകുളം അങ്കമാലി അതിരൂപതയുടെ വിഷയങ്ങളിൽ ഇടപെടരുതെന്നും ഇന്നലെ കലൂരിൽ ചേർന്ന വൈദിക യോഗത്തിൽ ആവശ്യം ഉയർന്നു. സഭാ പ്രസിദ്ധീകരണമായ സത്യദീപം വാരികയുടെ മുഖപ്രസംഗത്തിലും വിമത വിഭാഗം സമാന വിഷയങ്ങൾ ഉയർത്തുന്നുണ്ട്. വിമത വിഭാഗം നിലപാടിൽ ഉറച്ചുനിന്നാൽ ക്രിസ്മസ് നാളുകൾക്ക് ശേഷമുള്ള ദിനങ്ങൾ സംഘർഷഭരിതമാകും.

Kerala

Kerala

'സാമ്പത്തികമായി മെച്ചം ഇല്ലെങ്കിലും കലയോട് ആത്മാർത്ഥത പുലർത്തുന്നവരാണ് നാടക പ്രവർത്തകർ';അനുശോചിച്ച് ശിവൻകുട്ടി

Kerala

ഹൈക്കോടതി നിര്‍ദേശ പ്രകാരം തൃശൂര്‍ പൂരം നടത്താനാകില്ല, പിന്നില്‍ ചില എന്‍ജിഒകള്‍: തിരുവമ്പാടി ദേവസ്വം

Kerala

ഉരുൾപൊട്ടൽ ദുരന്തം; രണ്ടാഴ്ചക്കകം തീരുമാനമെടുക്കണമെന്ന് ഹൈക്കോടതി, നല്ല തീരുമാനം ഉടനെന്ന് കേന്ദ്രസർക്കാർ

Kerala

സത്യാവസ്ഥ ബോധിപ്പിക്കേണ്ടത് ഉത്തരവാദിത്തം; വീടിന് മുന്നില്‍വെച്ച് മാധ്യമങ്ങളെ കാണുമെന്ന് പി സരിന്‍