Get the latest news at
your fingertips!
Download our app now
LIVE TV
Search
തിരുവനന്തപുരം: ബജറ്റിലെ വിദേശ സര്വകലാശാല പ്രഖ്യാപനത്തില് എതിപ്പുമായി കെഎസ്യു. വിദേശ സര്വകലാശാലകളുടെ വരവില് ആശങ്കയുണ്ടെന്നും ഉന്നത വിദ്യാഭ്യാസ മേഖലയെ തച്ചു തകര്ക്കുന്നതിനുള്ള ഡീലാണ് പ്രഖ്യാപനത്തിലൂടെ ഉദ്ദേശിക്കുന്നതെന്നും കെഎസ്യു പറഞ്ഞു. വിഷയത്തില് സമരവുമായി മുന്നോട്ട് പോവാനാണ് കെഎസ്യു തീരുമാനം.
വിദേശ സര്വകലാശാല പ്രഖ്യാപനത്തില് എതിര്പ്പുമായി എസ്എഫ്ഐയും രംഗത്തുവന്നിരുന്നു. വിഷയത്തിലെ ആശങ്ക സര്ക്കാരിനെ അറിയിക്കുമെന്ന് എസ്എഫ്ഐ സംസ്ഥാന പ്രസിഡന്റ് കെ അനുശ്രീ പറഞ്ഞു. സ്വകാര്യ സര്വകലാശാലകള് സര്ക്കാര് നിയന്ത്രണത്തിലായിരിക്കണം. വിദ്യാര്ത്ഥികള്ക്ക് യാതൊരുവിധ വിവേചനങ്ങളുമുണ്ടാകാന് പാടില്ല. ഇക്കാര്യങ്ങളും സര്ക്കാരുമായി ചര്ച്ചചെയ്യുമെന്നും അനുശ്രീ അറിയിച്ചു. കോഴിക്കോട് എന്ഐടിയിലേക്ക് നടത്തിയ മാര്ച്ച് ഉദ്ഘാടനം ചെയ്ത് സംസാരിക്കുകയായിരുന്നു അനുശ്രീ.
'വിദേശ സർവകലാശാല പ്രഖ്യാപനത്തിൽ വലിയ ആശങ്കകളുണ്ട്'; എതിർപ്പുമായി എസ്എഫ്ഐഅതേസമയം കേരളത്തില് വിദേശ സര്വകലാശാല ക്യാംപസുകള് സ്ഥാപിക്കുന്ന കാര്യം യു ജി സി മാര്ഗ നിര്ദേശങ്ങള്ക്ക് അനുസരിച്ച് പരിശോധിക്കുമെന്നും അതിനുശേഷമായിരിക്കും തീരുമാനമെടുക്കുകയെന്നും ഉന്നത വിദ്യാഭ്യാസ വകുപ്പ് അറിയിച്ചു. ഉന്നത വിദ്യാഭാസ മേഖലയ്ക്ക് പ്രഥമ പരിഗണനയാണ് സര്ക്കാര് നല്കുന്നതെന്ന് മന്ത്രി ആര് ബിന്ദു പറഞ്ഞു. സ്വകാര്യ സര്വകലാശാലയുമായി ബന്ധപ്പെട്ട കാര്യങ്ങള് ബജറ്റില് അല്ല ആദ്യമായി അവതരിപ്പിക്കുന്നതെന്നും മന്ത്രി വ്യക്തമാക്കി.
