Get the latest news at
your fingertips!
Download our app now
LIVE TV
Search
മലപ്പുറം: ജില്ലയില് തദ്ദേശ സ്ഥാപനങ്ങളിലേക്ക് ഉപതിരഞ്ഞെടുപ്പ് നടന്ന എല്ലാ വാര്ഡുകളിലും വിജയിച്ച് യുഡിഎഫ്. കോട്ടക്കല് മുനിസിപ്പാലിറ്റി രണ്ടാം വാര്ഡ് ചൂണ്ട, കോട്ടക്കല് മുനിസിപ്പാലിറ്റി പതിനാലാം വാര്ഡ് ഈസ്റ്റ് വില്ലൂര്, മക്കരപ്പറമ്പ് ഗ്രാമപഞ്ചായത്ത് രണ്ടാം വാര്ഡ് കാച്ചിനിക്കാട് എന്നീ വാര്ഡുകളിലേക്കാണ് ഉപതിരഞ്ഞെടുപ്പ് നടന്നത്. ഈ സീറ്റുകളിലെല്ലാം യുഡിഎഫാണ് വിജയിച്ചത്.
കോട്ടക്കല് മുനിസിപ്പാലിറ്റിയിലെ രണ്ട് വാര്ഡുകളും മുസ്ലിം ലീഗ് സിറ്റിംഗ് സീറ്റുകളായിരുന്നു. ചൂണ്ടയില് വാര്ഡില് ലീഗിലെ നഷ്വ 171 വോട്ടുകള്ക്കും ഈസ്റ്റ് വില്ലൂരില് ലീഗിലെ ഷഹാന ഷെറിന് 201 വോട്ടുകള്ക്കുമാണ് വിജയിച്ചത്.
മക്കരപ്പറമ്പ് ഗ്രാമപഞ്ചായത്തിലെ കാച്ചിനിക്കാട് കിഴക്ക് വാര്ഡ് യുഡിഎഫ് നിലനിര്ത്തുകയായിരുന്നു. ലീഗിലെ നുഹ്മാന് ശിബിലി 356 വോട്ടുകള്ക്കാണ് വിജയിച്ചത്.
