കരുണാകരന്റെ ആത്മാവ് പത്മജയോട് പൊറുക്കില്ല: എം കെ രാഘവൻ

പാർട്ടിയുടെ ശക്തി ക്ഷയിക്കില്ലെന്നും എം കെ രാഘവൻ പ്രതികരിച്ചു

dot image

കൊച്ചി: പത്മജ വേണുഗോപാലിന്റെ ബിജെപി പ്രവേശനത്തിൽ പ്രതികരണവുമായി എം കെ രാഘവൻ എംപി. കെ കരുണാകരന്റെ ആത്മാവ് പത്മജയോട് പൊറുക്കില്ലെന്ന് എം കെ രാഘവൻ റിപ്പോർട്ടറിനോട് പറഞ്ഞു. എല്ലാ ആനുകൂല്യങ്ങളും പറ്റിയ വ്യക്തിയാണ് പത്മജ. അവർ പോകുന്നത് കോൺഗ്രസിനെ ഒരു തരത്തിലും ബാധിക്കില്ല. ലീഗിനൊന്നും ഒരതൃപ്തിയുമില്ല. എല്ലാം മാധ്യമങ്ങൾ ഉണ്ടാക്കുന്നതാണ്. കോൺഗ്രസിന് ഒരു ക്ഷീണവും സംഭവിക്കില്ല. കോൺഗ്രസ് കരുത്തോടെ മുന്നോട്ടു പോവും. പാർട്ടിയുടെ ശക്തി ക്ഷയിക്കില്ലെന്നും എം കെ രാഘവൻ പ്രതികരിച്ചു.

അതേസമയം, പത്മജയുടെ ബിജെപി പ്രവേശനത്തെ ഇപ്പോൾ എതിർക്കുന്ന പല നേതാക്കളും നേരത്തെ ബിജെപിയുമായി ചർച്ച നടത്തിയവരാണെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ പറഞ്ഞു. പത്മജ സ്ഥാനാർഥിയാകുമോ എന്നത് ഇപ്പോൾ പറയാനാവില്ല. ബിജെപിയിൽ ആര് ചേരുന്നതും ഉപാധികളോടെയല്ല. അനിൽ ആന്റണിയുടെ പ്രവേശനവും നിരുപാധികമായിരുന്നു. എന്നാൽ കെ മുരളീധരന്റെ വിമർശനങ്ങൾക്ക് പ്രസക്തിയില്ലെന്നും നിരാശയിൽ നിന്നുള്ള വാക്കുകളാണ് മുരളീധരന്റേതെന്നും സുരേന്ദ്രൻ പറഞ്ഞു.

ഇനിയും പലരും വരും, അതാണ് സീറ്റുകൾ ഒഴിച്ചിട്ടിരിക്കുന്നത്, കെ മുരളീധരന് നിരാശയെന്നും കെ സുരേന്ദ്രൻ

കോൺഗ്രസിനെയും കരുണാകരനെയും ചതിച്ചയാളാണ് മുരളീധരൻ. ആരെയും കറിവേപ്പില പോലെ ബിജെപി വലിച്ചെറിയില്ല. പാർട്ടിയിലേക്ക് വരുന്നവർക്ക് അർഹമായ പരിഗണന ഉറപ്പാണ്. ഇനിയും പലരും പാർട്ടിയിലേക്ക് വരും. അതുകൊണ്ടാണ് സീറ്റുകൾ പലതും ഒഴിച്ചിട്ടിരിക്കുന്നതെന്നും സുരേന്ദ്രൻ വ്യക്തമാക്കി. പത്മജയുടെ ബിജെപി പ്രവേശനത്തോടെ കോൺഗ്രസിന്റെ പതനം ആരംഭിച്ചുവെന്നും കോൺഗ്രസ് തകർന്നു തരിപ്പണമാകുമെന്നും അദ്ദേഹം കൂട്ടിച്ചേർത്തു.

dot image
To advertise here,contact us
dot image