Get the latest news at
your fingertips!
Download our app now
LIVE TV
Search
തിരുവനന്തപുരം: ഭൂരിപക്ഷം വോട്ടുകളും യുഡിഎഫിന് തന്നെ ലഭിക്കുമെന്ന് തിരുവനന്തപുരം യുഡിഎഫ് സ്ഥാനാര്ത്ഥി ശശി തരൂര്. വോട്ട് ചെയ്യാന് മൂന്നും നാലും മണിക്കൂര് കാത്ത് നില്ക്കേണ്ട അവസ്ഥ വോട്ടര്മാര്ക്ക് ഉണ്ടായെന്നും ശശി തരൂര് പറഞ്ഞു. അത്തരം സാഹചര്യം അന്വേഷിക്കാന് ഇലക്ഷന് കമ്മീഷനോട് പറഞ്ഞിട്ടുണ്ട്. എന്തോ അസാധാരണ പ്രശ്നം സംഭവിച്ചിട്ടുണ്ട്. പോളിംങ് ശതമാനത്തില് സംതൃപ്തി ഉണ്ട്. നല്ല ആത്മവിശ്വാസം ഉണ്ട്. മാധ്യമ പ്രവര്ത്തകരോട് നന്ദി പറയുകയാണെന്നും ശശി തരൂര് പറഞ്ഞു.
സംസ്ഥാനത്ത് സ്വതന്ത്രവും നീതിയുക്തവുമായ തിരഞ്ഞെടുപ്പ് നടന്നില്ലെന്ന് പ്രതിപക്ഷ നേതാവ് വിഡി സതീശനും പറഞ്ഞു. കനത്ത ചൂടില് പല ബൂത്തുകളിലും വോട്ടര്മാര് മണിക്കൂറുകള് കാത്ത് നിന്ന ശേഷം മടങ്ങി. മടങ്ങി പോയി തിരികെ വന്നവരില് പലര്ക്കും വോട്ട് ചെയ്യാന് അവസരം ലഭിച്ചില്ല. ആറ് മണിക്ക് മുന്പ് പോളിംഗ് സ്റ്റേഷനില് എത്തിയിട്ടും വോട്ട് ചെയ്യാനാകാത്ത സാഹചര്യവും പലയിടങ്ങളിലും ഉണ്ടായി.
മിക്കയിടത്തും മന്ദഗതിയിലാണ് വോട്ടിംഗ് നടന്നത്. നാലര മണിക്കൂര് വരെ ചില വോട്ടര്മാര്ക്ക് കാത്ത് നില്ക്കേണ്ടി വന്നതായി റിപ്പോര്ട്ടുണ്ട്. ഉദ്യോഗസ്ഥതലത്തില് ഗുരുതരമായ അനാസ്ഥയുണ്ടായെന്ന് സംശയിക്കാവുന്ന തരത്തിലാണ് വോട്ടിംഗ് നടന്നത്. പോളിംഗ് ശതമാനം കുറയാന് കാരണമായതും ഉദ്യോഗസ്ഥ തലത്തിലെ മൊല്ലപോക്കാണ്.
വോട്ടിംഗ് യന്ത്രങ്ങള്ക്ക് തകരാര് കണ്ടെത്തിയ ബൂത്തുകളില് പോളിംഗ് സമയം ദീര്ഘിപ്പിച്ച് നല്കിയില്ല. സമീപ കാലത്തെങ്ങും ഇത്രയും മോശപ്പെട്ട രീതിയില് തിരഞ്ഞെടുപ്പ് ക്രമീകരണങ്ങള് ഉണ്ടായിട്ടില്ല. ഇതേക്കുറിച്ച് അന്വേഷണം വേണമെന്നും പ്രതിപക്ഷ നേതാവ് ആവശ്യപ്പെട്ടു.
