Get the latest news at
your fingertips!
Download our app now
LIVE TV
Search
കോഴിക്കോട്: കോഴിക്കോട് മെഡിക്കല് കോളേജല് അവയവം മാറി ശസ്ത്രക്രിയ ചെയ്ത സംഭവത്തില് മെഡിക്കല് ബോര്ഡ് രൂപീകരിക്കും. ഇതുസംബന്ധിച്ച് ജില്ലാ മെഡിക്കല് ഓഫീസര് മെഡിക്കല് കോളേജ് പ്രിന്സിപ്പലിന് നിര്ദേശം നല്കി. പൊലീസ് ആവശ്യപ്പെട്ട പ്രകാരമാണ് നടപടി. മെഡിക്കല് ബോര്ഡ് യോഗത്തിന് ശേഷം സംഭവത്തില് ഡോക്ടറെ ചോദ്യം ചെയ്യാനാണ് നീക്കം. നാല് വയസ്സുകാരിയുടെ കൈക്ക് ശസ്ത്രക്രിയയ്ക്ക് എത്തിയതായിരുന്നു കുടുംബം. എന്നാല്, കുഞ്ഞിന്റെ നാക്കിനാണ് ആശുപത്രിയില് ശസ്ത്രക്രിയ നടത്തിയത്. കോഴിക്കോട് ചെറുവണ്ണൂര് മധുര ബസാര് സ്വദേശിയുടെ മകളാണ് നാല് വയസ്സുകാരി. ചികിത്സാപ്പിഴവ് തിരിച്ചറിഞ്ഞതോടെ ഡോക്ടര് മാപ്പ് പറഞ്ഞിരുന്നു. പിന്നാലെ മറ്റൊരു ശസ്ത്രക്രിയയിലൂടെ കുഞ്ഞിന്റെ ആറാം വിരല് നീക്കം ചെയ്യുകയായിരുന്നുവെന്നും ബന്ധുക്കള് പറഞ്ഞു.
സംഭവത്തില് ഡോക്ടര് ബിജോണ് ജോണ്സനെ അന്വേഷണ വിധേയമായി സസ്പെന്ഡ് ചെയ്തിരുന്നു. ഡോക്ടര്ക്ക് പിഴവ് പറ്റിയെന്നുള്ള മെഡിക്കല് വിദ്യാഭ്യാസ വകുപ്പ് ഡയറക്ടറുടെ കണ്ടെത്തലിനെ തുടര്ന്നായിരുന്നു നടപടി. ശസ്ത്രക്രിയ മാറിയത് തന്റെ പിഴവുകൊണ്ടാണെന്ന് സമ്മതിച്ച് ഡോക്ടര് രംഗത്തെത്തിയിരുന്നു. ശസ്ത്രക്രിയ കൊണ്ട് കുട്ടിക്ക് ഭാവിയില് പ്രശ്നങ്ങള് ഉണ്ടാകില്ലെന്നും ഡോക്ടര് സൂപ്രണ്ടിന് എഴുതിയ കത്തിലുണ്ടായിരുന്നു. എന്നാല്, കുഞ്ഞിന്റെ നാവിനും തടസ്സമുണ്ടായിരുന്നെന്നാണ് ആശുപത്രി സൂപ്രണ്ട് പറയുന്നത്.
കോഴിക്കോട് മെഡിക്കല് കോളേജിലെ ചികിത്സാ പിഴവ്: കേസെടുത്ത് പൊലീസ്സംഭവത്തില് ശസ്ത്രക്രിയ നടത്തിയ ഡോക്ടര്ക്കെതിരെ മെഡിക്കല് കോളേജ് പൊലീസ് കേസെടുത്തിരുന്നു. കുട്ടിയുടെ കുടുംബം നല്കിയ പരാതിയിലാണ് നടപടി. കോഴിക്കോട് മെഡിക്കല് കോളേജ് ആശുപത്രിയില് ശസ്ത്രക്രിയയ്ക്കിടെ വയറ്റില് കത്രിക കുടുങ്ങിയ സംഭവത്തില് യുവതി നീതി തേടി അലയുമ്പോഴാണ് മറ്റൊരു സംഭവം കൂടി റിപ്പോര്ട്ട് ചെയ്തത്.
