Get the latest news at
your fingertips!
Download our app now
LIVE TV
Search
കോഴിക്കോട്: കാലിക്കറ്റ് സര്വകലാശാലാ അക്കാമദിക് കൗണ്സില് തിരഞ്ഞെടുപ്പിൽ എസ്എഫ്ഐയ്ക്ക് വിജയം. തിരഞ്ഞെടുപ്പ് നടന്ന എട്ടിൽ ആറ് സീറ്റിലും എസ്എഫ്ഐ വിജയം നേടി. ഓരോ സീറ്റിൽ എംഎസ്എഫും കെഎസ്യുവും വിജയിച്ചു.
കൌണ്ടിങ് സമയത്തെ സംഘർഷത്തെ തുടർന്ന് നിർത്തിവച്ച ഒരു സീറ്റിലേക്കുള്ള റീ കൗണ്ടിംഗിലാണ് എംഎസ്എഫ് വിജയിച്ചത്. എസ്എഫ്ഐ എതിര്പ്പുന്നയിച്ചതിനെത്തുടര്ന്ന് നിർത്തിവച്ച വോട്ടെണ്ണൽ കനത്ത പൊലീസ് സുരക്ഷയിൽ ഇന്ന് നടത്തുകയായിരുന്നു.
കനത്ത പൊലീസ് സുരക്ഷയിലായിരുന്നു ഇന്ന് വോട്ടെണ്ണല്. ലാംഗ്വേജ് ആന്റ് ലിറ്ററേച്ചര് ഫാക്കല്റ്റി വിദ്യാര്ത്ഥി മണ്ഡലത്തില് കഴിഞ്ഞ വ്യാഴാഴ്ച രാത്രി നടത്തിയ വോട്ടെണ്ണലില് എംഎസ്എഫ് സ്ഥാനാര്ത്ഥിയായ അസിം തെന്നലക്കായിരുന്നു കൂടുതല് വോട്ടുകള് കിട്ടിയത്. എന്നാല് എസ്എഫ്ഐ എതിര്പ്പുന്നയിച്ചതിനെത്തുടര്ന്ന് റീ കൗണ്ടിംഗ് നടത്താന് തീരുമാനിക്കുകയായിരുന്നു. റീകൗണ്ടിംഗിനിടെ ഉണ്ടായ തര്ക്കം സംഘര്ഷത്തിലേക്ക് നീങ്ങിയതോടെ നിര്ത്തിവെക്കുകയായിരുന്നു.
