LIVE TV
വയനാട്: വയനാട് സുൽത്താൻ ബത്തേരിയിൽ നിന്ന് ഒന്നര ലക്ഷത്തോളം വില വരുന്ന മൂന്ന് പോത്തുകളെ മോഷ്ടിച്ച യുവാവ് പൊലീസ് പിടിയിൽ. മൂലങ്കാവ് സ്വദേശി ചോമ്പാളന് വീട്ടില് മജീദിനെയാണ് ബത്തേരി എസ് ഐ കൃഷ്ണന്റെ നേതൃത്വത്തിലുള്ള സംഘം വ്യാഴാഴ്ച പിടികൂടിയത്.
മൂലങ്കാവ് വട്ടുവാടിയിൽ താമസിക്കുന്ന മുനീറിന്റെ ഉടമസ്ഥതയിലുള്ള മൂന്ന് പോത്തുകളെയാണ് കഴിഞ്ഞ 25ന് രാത്രി മജീദ് മോഷ്ടിച്ചത്. മോഷ്ടിച്ച പോത്തുകളെ മജീദ് തൊട്ടില്പ്പാലത്തെത്തിച്ച് 50,000 രൂപയ്ക്ക് വില്ക്കുകയായിരുന്നു.
എസ് സി പി ഒ രജീഷ്, സിപിഒമാരായ അജ്മല്, വരുണ് എന്നിവരടങ്ങിയ പൊലീസ് സംഘമാണ് പ്രതിയെ പിടികൂടിയത്. നിരവധി സിസിടിവി ദൃശ്യങ്ങള് പരിശോധിച്ചും സൈബര് സെല്ലിന്റെ സഹായത്തോടെ ശാസ്ത്രിയാന്വേഷണം നടത്തിയുമാണ് പൊലീസ് പ്രതിയെ പിടികൂടിയത്. കോടതിയില് ഹാജരാക്കിയ പ്രതിയെ റിമാന്റ് ചെയ്തു.
ബാറിൽ ഉണ്ടായ അടിപിടി, ജീവനക്കാരെ കാറിടിപ്പിച്ച് കൊല്ലാൻ ശ്രമം; ഒരു വർഷത്തിന് ശേഷം പ്രതികൾ പിടിയിൽ
