ഡിഎല്എഫിലെ രോഗബാധ: 'ഇ കോളി ബാക്ടീരിയയുടെ സാന്നിധ്യം മറച്ചുവെച്ചു, ഇനി ആ ഫ്ളാറ്റിലേക്കില്ല'

എറണാകുളം: കാക്കനാട് ഡിഎൽഎഫ് ഫ്ലാറ്റിലെ രോഗ ബാധയിൽ ഫ്ലാറ്റ് അസോസിയേഷന് എതിരെ താമസക്കാർ. കുടിവെള്ളത്തിൽ ഈ കോളി ബാക്ടീരിയയുടെ സാന്നിധ്യമുണ്ടെന്ന റിപ്പോർട്ട് ഫ്ലാറ്റ് അസോസിയേഷൻ മറച്ചുവെച്ചെന്നും ഇതാണ് അപകടത്തിന്റെ വ്യാപ്തി കൂട്ടിയതെന്നും രോഗം ബാധിച്ച രണ്ടു വയസ്സുകാരന്റെ കുടുംബം റിപ്പോർട്ടറിനോട്. സംഭവത്തിൽ ആരോഗ്യ വകുപ്പിനും ജില്ലാ കളക്ടർക്കും ഡിഎംഒ ഉടൻ റിപ്പോർട്ട് സമർപ്പിക്കും. റിപ്പോർട്ട് ലഭിച്ചശേഷം നടപടിയെന്ന് ആരോഗ്യവകുപ്പ് മന്ത്രി വീണാ ജോർജ്.

മെയ് 29നാണ് ഫ്ലാറ്റിലെ കുടിവെള്ളത്തിൽ ഈ കോളി ബാക്ടീരിയ കലർന്നിട്ടുണ്ടെന്ന റിപ്പോർട്ട് പുറത്തുവരുന്നത്. എന്നാൽ ഫ്ലാറ്റ് അസോസിയേഷൻ ഇത് മറച്ചുവച്ചു എന്നാണ് ആരോപണം. മുന്നറിയിപ്പ് നൽകുകയും മുൻകരുതൽ നടപടികൾ സ്വീകരിക്കുകയും ചെയ്തിരുന്നെങ്കിൽ സ്ഥിതി വഷളാകില്ലായിരുന്നുവെന്ന് രോഗം ബാധിച്ച രണ്ടു വയസ്സുകാരന്റെ കുടുംബം റിപ്പോർട്ടറിനോട്. തെറ്റ് മറച്ചു വെക്കാൻ മറ്റുള്ളവരെ പഴിചാരുന്ന മനോഭാവമാണെന്നും വിഷയത്തെ ഇപ്പോഴും ലളിതമായാണ് കാണുന്നതെന്നും കുട്ടിയുടെ അച്ഛൻ ആരോപിച്ചു.

ഇനി ആ ഫ്ലാറ്റിലേക്ക് തിരിച്ചില്ലെന്നും പ്രായമായ അച്ഛനെ ആശുപത്രിയിൽ നിന്നും നാട്ടിലേക്ക് കൊണ്ടു പോയെന്നും ഇദ്ദേഹം പറഞ്ഞു. ഫ്ലാറ്റിലെ കുടിവെള്ള ശുചീകരണത്തിലെ അപര്യാപ്തതയാണ് അണുബാധയ്ക്ക് കാരണമായതെന്നും ആരോപണമുണ്ട്. അണുബാധയേറ്റ 400 ഓളം ആളുകളാണ് ചികിത്സ തേടിയത്. സംഭവത്തിൽ ആരോഗ്യവകുപ്പിനും ജില്ലാ കളക്ടർക്കും ഡിഎംഒ ഉടൻ റിപ്പോർട്ട് സമർപ്പിക്കും. ആശാ വർക്കർമാരുടെ നേതൃത്വത്തിൽ രോഗബാധിതരുടെ വിവരം ശേഖരിക്കുകയാണ്. ഡിഎംഒയുടെ റിപ്പോർട്ട് വന്നാൽ ആരോഗ്യവകുപ്പ് അടിയന്തര നടപടികളിലേക്ക് കടക്കുമെന്ന് മന്ത്രി വീണാ ജോർജ് അറിയിച്ചു.

Kerala

Kerala

ബസ് അമിതവേഗതയില്‍, തെറിച്ചുവീണ് വിദ്യാര്‍ത്ഥിക്ക് പരിക്ക്; ബസ് ജീവനക്കാര്‍ കസ്റ്റഡില്‍

Kerala

'സാമ്പത്തികമായി മെച്ചം ഇല്ലെങ്കിലും കലയോട് ആത്മാർത്ഥത പുലർത്തുന്നവരാണ് നാടക പ്രവർത്തകർ';അനുശോചിച്ച് ശിവൻകുട്ടി

Kerala

ഹൈക്കോടതി നിര്‍ദേശ പ്രകാരം തൃശൂര്‍ പൂരം നടത്താനാകില്ല, പിന്നില്‍ ചില എന്‍ജിഒകള്‍: തിരുവമ്പാടി ദേവസ്വം

Kerala

ഉരുൾപൊട്ടൽ ദുരന്തം; രണ്ടാഴ്ചക്കകം തീരുമാനമെടുക്കണമെന്ന് ഹൈക്കോടതി, നല്ല തീരുമാനം ഉടനെന്ന് കേന്ദ്രസർക്കാർ