Get the latest news at
your fingertips!
Download our app now
LIVE TV
Search
കൊച്ചി: സ്വന്തം ജീവനപ്പോലെ സ്നേഹിച്ച ജീപ്പ് ഉരുള്പൊട്ടലില് നശിച്ച നിയാസിന് വേണ്ടി സെക്കന്റ് ഹാൻഡ് 4x4 താർ തേടി യൂത്ത് കോണ്ഗ്രസ്. നിയാസിനു എത്രയും പെട്ടെന്ന് വണ്ടി വാങ്ങി നല്കണമെന്നും അതിനായി എല്ലാവരുടെയും സഹായം തേടുന്നെന്നുമാണ് യൂത്ത് കോൺഗ്രസ് സോഷ്യൽമീഡിയയിലൂടെ അറിയിച്ചിരിക്കുന്നത്. പുതിയ വാഹനം വാങ്ങിനൽകാനായിരുന്നു സംഘടനയുടെ തീരുമാനം. എന്നാൽ, പഴയ വാഹനം മതിയെന്ന നിയാസിന്റെ ആവശ്യത്തെത്തുടർന്നാണ് അത്തരമൊരു വാഹനം തേടുന്നതെന്ന് യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിൽ വ്യക്തമാക്കി.
ഫേസ്ബുക്ക് പോസ്റ്റിന്റെ പൂർണരൂപം....
ഇന്നലെയും ഇന്നുമായി നല്ല ഒരു 4x4 താർ വാങ്ങാനുള്ള ശ്രമത്തിലാണ്, മുണ്ടക്കൈയിലെ നമ്മുടെ നിയാസിനു ഉറപ്പ് കൊടുത്ത ജീപ്പ്.
പരിചയത്തിലുള്ള സെക്കന്റ് ഹാൻഡ് വാഹന വ്യാപാരികളുമായി ബന്ധപ്പെട്ടു. കുറേ വണ്ടികളുടെ ഡീറ്റെയിൽസ് ഒക്കെ കിട്ടിയെങ്കിലും നിയാസിനു കൊടുക്കാൻ പറ്റിയത് എന്ന് തോന്നിയ ഒരു വണ്ടി കിട്ടിയിട്ടില്ല.നിയാസിനു എത്രയും പെട്ടെന്ന് വണ്ടി വാങ്ങി നല്കണം. അതിനു നിങ്ങളുടെ സഹായം അനിവാര്യമാണ്. നിങ്ങളുടെ പരിചയത്തിൽ അത്തരത്തിലൊരു വാഹനം പരിചയമുണ്ടെങ്കിൽ പറയുമല്ലോ?
നിയാസിന് ജീവനായിരുന്നു ജീപ്പ്, ജീവിതവും;വാഹനം വാങ്ങാനുള്ള മുഴുവന് പണവും നല്കും: യൂത്ത് കോണ്ഗ്രസ്
