Get the latest news at
your fingertips!
Download our app now
LIVE TV
Search
തിരുവനന്തപുരം: തിരുവനന്തപുരം കഴക്കൂട്ടത്ത് നിന്നും കാണാതായ അസം സ്വദേശിയായ പെണ്കുട്ടിയെ തിരികെയെത്തിച്ചു. കുട്ടിയെ ചൈല്ഡ് വെല്ഫെയര് കമ്മിറ്റിയുടെ സംരക്ഷണയിലേക്ക് മാറ്റി. പെണ്കുട്ടിയെ പ്രത്യേക ഷെല്ട്ടറിലേക്ക് മാറ്റും. നാളെ കുട്ടിയുടെ മാതാപിതാക്കളുമായി സംസാരിക്കും.
അതേസമയം ഫോണില് വിളിച്ച് കുട്ടിയുമായി സംസാരിച്ചുവെന്നും അസമില് പോകണമെന്നാണ് കുട്ടി പറഞ്ഞതെന്നും സിഡബ്ല്യുസി ചെയര്പേഴ്സണ് ഷാനിബ ബീഗം പറഞ്ഞു. ഇക്കാര്യം വിശദമായി സംസാരിക്കുമെന്നും കുട്ടിയെ ഇന്ന് രാത്രി ശിശുക്ഷേമ സമിതിയില് താമസിപ്പിക്കുമെന്നും അവര് പറഞ്ഞു.
പെൺകുട്ടി ഇന്ന് കേരളത്തിലേക്ക്; സംരക്ഷണം സിഡബ്ല്യുസി ഏറ്റെടുക്കുംകഴിഞ്ഞ ദിവസം വിശാഖപട്ടണത്തിലെത്തിയ പൊലീസ് സംഘമാണ് കുട്ടിയെ ഏറ്റെടുത്തത്. കഴക്കൂട്ടത്ത് കുടുംബത്തോടൊപ്പം താമസിക്കുന്ന പെണ്കുട്ടിയെ ഓഗസ്റ്റ് 20ന് രാവിലെ 10 മണി മുതലാണ് കാണാതായത്. അയല്വീട്ടിലെ കുട്ടികളുമായി വഴക്കുണ്ടാക്കിയ കുട്ടിയെ മാതാവ് ശകാരിച്ചിരുന്നു. ഇതിന് പിന്നാലെയാണ് കുട്ടി വീട് വിട്ട് ഇറങ്ങിയത്. പിന്നാലെ ജോലിക്ക് പോയ മാതാപിതാക്കള് കുട്ടി വീടുവിട്ടിറങ്ങിയെന്ന വിവരമറിയുന്നത് ഏറെ വൈകിയാണ്. സംഭവത്തിന് പിന്നാലെ നാല് മണിയോടെ കുടുംബം പൊലീസില് പരാതി നല്കുകയായിരുന്നു.
തുടര്ന്നുള്ള അന്വേഷണത്തിനൊടുവിലാണ് വിശാഖപ്പട്ടണത്ത് നിന്നും കുട്ടിയെ മലയാളി സമാജം പ്രവര്ത്തകര്ക്ക് കണ്ടുകിട്ടുന്നത്. മലയാളി സമാജം പ്രവര്ത്തകരോടും തനിക്ക് അസമിലേക്ക് പോകണമെന്ന ആഗ്രഹമാണ് പെണ്കുട്ടി പങ്കുവെച്ചത്. അമ്മയോടൊപ്പം നില്ക്കാന് താല്പര്യമില്ല. അമ്മ വീട്ടുജോലികള് കൂടുതല് ചെയ്യിക്കുന്നുവെന്നും കുട്ടി മലയാളി സമാജം പ്രവര്ത്തകരോട് പറഞ്ഞു. പഠിക്കാനാണ് കൂടുതല് ഇഷ്ടം. അസമില് തിരികെ പോയി പഠിക്കണമെന്നാണ് ആഗ്രഹം. അസമില് അപ്പൂപ്പനും അമ്മൂമ്മയും തന്നെ പഠിപ്പിക്കുമെന്നും കുട്ടി പറഞ്ഞു.
