LIVE TV
തിരുവനന്തപുരം: മുണ്ടക്കൈ ഉരുള്പൊട്ടല് ദുരന്തബാധിതരുടെ പുനരധിവാസത്തിന്റെ ഭാഗമായി 1000 സ്ക്വയര്ഫീറ്റില് ഒറ്റനില വീട് നിര്മ്മിച്ചു നൽകും. ഭാവിയില് രണ്ടാമത്തെ നിലകൂടിക്കെട്ടാന് സൗകര്യമുള്ള രീതിയിലാകും അടിത്തറ പണിയുക. വീടുകള് ഒരേ രീതിയിലാകും നിര്മ്മിക്കുക. ഗുണനിലവാരം ഉറപ്പുവരുത്തുമെന്നും മുഖ്യമന്ത്രി സർവ്വകക്ഷി യോഗത്തിൽ പറഞ്ഞു.
വിലങ്ങാടിലെ ദുരന്തബാധിതര്ക്കും പുനരധിവാസം ഉറപ്പാക്കും. വീട് നഷ്ടപ്പെട്ടവര്ക്കാണ് പുനരധിവാസത്തില് മുന്ഗണന നല്കുക. മാറി താമസിക്കേണ്ടിവന്നവരെ രണ്ടാം ഘട്ടത്തില് പരിഗണിക്കും. പുനരധിവാസ പാക്കേജില് ജീവനോപാധി ഉറപ്പാക്കും. തൊഴിലെടുക്കാന് കഴിയുന്ന പരമാവധി പേര്ക്ക് തൊഴില് ഉറപ്പുവരുത്തും. എല്ലാ സ്ത്രീകള്ക്കും അവര്ക്ക് താല്പര്യമുള്ള തൊഴിലില് ഏര്പ്പെടുന്നതിന് ആവശ്യമായ പരിശീലനവും നല്കും. വാടകകെട്ടിടങ്ങളില് കച്ചവടം നടത്തുന്നവരെ കൂടി പുനരധിവാസത്തിന്റെ ഭാഗമായി സംരക്ഷിക്കുമെന്നും സർക്കാർ പ്രഖ്യാപിച്ചു.
ഓഗസ്റ്റ് 27ന് വയനാടിന് സാമ്പത്തിക സഹായം ആവശ്യപ്പെട്ട് മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തിയിരുന്നു. ലോക് കല്യാണ് മാര്ഗിലെ പ്രധാനമന്ത്രിയുടെ വസതിയില് നടന്ന കൂടിക്കാഴ്ചയിൽ 2000 കോടിയുടെ അടിയന്തര സഹായം മുഖ്യമന്ത്രി ആവശ്യപ്പെട്ടു എന്നാണ് സൂചന. വയനാടിൻ്റെ നിലവിലെ സാഹചര്യം പ്രധാനമന്ത്രിയെ ബോധ്യപ്പെടുത്തി.
