Get the latest news at
your fingertips!
Download our app now
LIVE TV
Search
കൊച്ചി: യൂണിയന്‍ തിരഞ്ഞെടുപ്പിനെ ചൊല്ലി കൊച്ചിന്‍ കോളേജില്‍ കെഎസ്‌യു-എസ്എഫ്‌ഐ സംഘര്‍ഷം. പരിക്കേറ്റ കെഎസ്‌യു പ്രവര്‍ത്തകരെ പ്രവേശിപ്പിച്ച കരിവേലപ്പടി ആശുപത്രിയിലും സംഘര്‍ഷം ഉണ്ടായി. ആശുപത്രിയില്‍ എത്തിയ എസ്എഫ്‌ഐ പ്രവര്‍ത്തകര്‍ കെഎസ് യു പ്രവര്‍ത്തകരെ വീണ്ടും ആക്രമിക്കുകയായിരുന്നു. ആശുപത്രിയിലെ ചില്ലുകള്‍ തകര്‍ന്നിട്ടുണ്ട്. ബാനര്‍ കെട്ടുന്നതിനെ ചൊല്ലിയാണ് കോളേജില്‍ തര്‍ക്കം ഉണ്ടായത്. പരിക്കേറ്റവര്‍ ആശുപത്രിയില്‍ എത്തിയതോടെ സംഘര്‍ഷം അവിടേക്കും നീണ്ടു. പ്രദേശത്ത് പൊലീസ് സുരക്ഷ ശക്തമാക്കിയിട്ടുണ്ട്.
കോളേജ് യൂണിയന്‍ തിരഞ്ഞെടുപ്പില്‍ ആറ് വര്‍ഷത്തിന് ശേഷം കെഎസ്‌യുവാണ് വിജയിച്ചത്. വിജയത്തിന് ശേഷമാണ് ബാനര്‍ കെട്ടാനും കൊടി ഉയര്‍ത്താനും കെഎസ്‌യു പ്രവര്‍ത്തകര്‍ ശ്രമിച്ചിരുന്നു. എസ്എഫ്‌ഐ പ്രവര്‍ത്തകര്‍ ഇത് തടഞ്ഞതാണ് സംഘര്‍ഷത്തില്‍ കലാശിച്ചത്. പൊലീസ് സഹായത്തോടെയാണ് എസ്എഫ്‌ഐ പ്രവര്‍ത്തകര്‍ ആശുപത്രിക്കകത്തേക്ക് പ്രവേശിച്ചതെന്ന് കെഎസ്‌യു ആരോപിച്ചു.
