Get the latest news at
your fingertips!
Download our app now
LIVE TV
Search
മലപ്പുറം: ഉമര്‍ ഫൈസി മുക്കത്തെ മാറ്റി നിര്‍ത്തണമെന്ന് എടവണപ്പാറയില്‍ ചേര്‍ന്ന സമസ്ത ആദര്‍ശ സമ്മേളനം. ഉമര്‍ ഫൈസിയെ മാറ്റി നിര്‍ത്തി സമസ്തയെ ശുദ്ധീകരിക്കണമെന്ന് എസ്‌വൈഎസ് സംസ്ഥാന ഉപാദ്ധ്യക്ഷന്‍ റഹ്‌മാന്‍ ഫൈസി ആവശ്യപ്പെട്ടു.
പാണക്കാട് കുടുംബത്തെ സമൂഹത്തില്‍ നിന്ന് അടര്‍ത്തി മാറ്റാനുള്ള ശ്രമം ഗൂഢാലോചനയാണ്. സമസ്തയും മുസ് ലിം ലീഗും തമ്മിലുള്ള ബന്ധം തകര്‍ക്കാനാണ് ശ്രമം. സിപിഐഎമ്മിന് വേണ്ടിയാണ് ഈ സമാന്തര പ്രവര്‍ത്തനം നടത്തുന്നത്. ആര്‍എസ്എസിനെ തടയാന്‍ സിപിഐഎമ്മിനെ കഴിയൂ എന്ന് ഉമര്‍ ഫൈസി വെറുതെ പറഞ്ഞതല്ല. അത് സിപിഐഎമ്മിന് വേണ്ടി പറഞ്ഞതാണെന്നും റഹ്‌മാന്‍ ഫൈസി പറഞ്ഞു.
പാണക്കാട് കുടുംബത്തെ സമസ്തയില്‍ നിന്ന് മാറ്റി നിര്‍ത്താന്‍ ആര് ശ്രമിച്ചാലും വിജയിക്കില്ലെന്ന് എസ്‌വൈഎസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍ പറഞ്ഞു. സമസ്തയുടെ വിലക്ക് മറികടന്ന് ചില മുശാവറ അംഗങ്ങള്‍ സംയുക്ത പ്രസ്താവനയിറക്കി. സമ്മേളനം നടത്താന്‍ എം ടി അബ്ദുള്ള മുസ്‌ലിയാരോട് സമ്മതം തേടി. സമസ്തയില്‍ ഇനി ഒരു പിളര്‍പ്പ് ഉണ്ടാകില്ല. അതിന് വേണ്ടി ആരും കൊതിക്കേണ്ടെന്നും അബ്ദുസമദ് പൂക്കോട്ടൂര്‍ പറഞ്ഞു.
Content Highlights: Samastha group says Umar Faizi Mukkam should be replaced
