Get the latest news at
your fingertips!
Download our app now
LIVE TV
Search
തിരുവനന്തപുരം: റേഷൻ വ്യാപാരികളുടെ സമരത്തിൽ പ്രതികരിച്ച് ഭക്ഷ്യ വകുപ്പ് മന്ത്രി ജി ആർ അനിൽ. പൊതുവിതരണ മേഖലകളിൽ സംഘടനകൾ സമരം നടത്താറുണ്ടെന്ന് പറഞ്ഞ മന്ത്രി, അവരുടെ ആവശ്യങ്ങളില്‍ ചർച്ച ചെയ്ത് തീരുമാനങ്ങൾ എടുക്കുമെന്നും പറഞ്ഞു. റേഷൻ മുടങ്ങുന്ന സാഹചര്യം ഉണ്ടാകാൻ പാടില്ല. അതുകൊണ്ടാണ് വാതിൽ പടി മേഖലയിലുള്ളവരുമായി ചർച്ചചെയ്തത്. അതിൽ തീരുമാനം ഉണ്ടായെന്നും മന്ത്രി മാധ്യമങ്ങളോട് പറഞ്ഞു.
റേഷൻ ലൈസൻസികളുടെ വേതന വർധനയിലും മന്ത്രി പ്രതികരിച്ചു. സർക്കാരിൻറെ സാമ്പത്തിക സ്ഥിതി അവർക്ക് അറിയാവുന്നതാണല്ലോ. അവർ പറയുന്നത് ന്യായം തന്നെയാണ്. കേരളമാണ് ഏറ്റവും കൂടുതൽ വേതനം നൽകുന്ന സംസ്ഥാനം. വേതന വർധനവ് പരിഗണനയിലാണെന്നും മന്ത്രി വ്യക്തമാക്കി.
പൊതുവേ രംഗത്ത് കഴിഞ്ഞ മാസത്തേക്കാൾ വിതരണത്തിൽ ആറ് ശതമാനം വർധന ഉണ്ടായിട്ടുണ്ട്. സമരങ്ങൾ ജനങ്ങളിൽ ഭീതി ഉണ്ടാക്കുന്ന രീതിയിലേക്ക് എത്തിക്കരുത്. റേഷൻ കടകൾ അടച്ചുപൂട്ടുന്ന നിലപാട് സർക്കാരിനില്ല. പുതിയ കടകൾക്ക് വേണ്ടി നൂറുകണക്കിന് അപേക്ഷകൾ വരുന്നുണ്ട്. ജനങ്ങൾക്ക് പ്രയാസമുണ്ടാകരുത്. ഇത് ഒരു ദിവസത്തെ സമരമാണ്. വിഷയം ചർച്ച ചെയ്യും. ഉടൻതന്നെ ചർച്ച നടത്തുന്നതാണെന്നും മന്ത്രി പറഞ്ഞു.
പാലക്കാട് ഉപതിരഞ്ഞെടുപ്പിലും മന്ത്രി പ്രതികരിച്ചു. സന്ദീപ് വാര്യരെ കണ്ടിട്ടല്ലല്ലോ തങ്ങൾ തിരഞ്ഞെടുപ്പിന് ഇറങ്ങുന്നത്. ഇന്നത്തെ സാഹചര്യത്തിൽ പാലക്കാട് ഇടതുപക്ഷം ജയിക്കേണ്ടത് അനിവാര്യതയാണ്. വികസനത്തിന്റെ കാര്യത്തിൽ പാലക്കാട് പിന്നോക്കാവസ്ഥയാണ്. സരിൻ വന്നതും സന്ദീപ് വന്നതും ഒരേ തരത്തിൽ അല്ല. യുഡിഎഫിൽ നിന്ന് മടുത്തിട്ടാണ് സരിൻ എൽഡിഎഫിലേക്ക് വന്നതെന്നും മന്ത്രി പറഞ്ഞു.
പത്തനംതിട്ടയിൽ ജീവനൊടുക്കിയ നഴ്സിംഗ് വിദ്യാർത്ഥിനിയുടെ മാതാപിതാക്കളുമായി സംസാരിച്ചുവെന്ന് മന്ത്രി അറിയിച്ചു. അവർ വല്ലാത്തൊരു മാനസികാവസ്ഥയിലാണ്. അവരോട് സംസാരിച്ചതിൽ നിന്നും ദുരൂഹതയുണ്ടെന്ന് വ്യക്തമായിട്ടുണ്ട്. വിശദമായി സംസാരിച്ചതിനുശേഷം വേണ്ട നടപടികൾ സ്വീകരിക്കുമെന്നും മന്ത്രി കൂട്ടിച്ചേർത്തു.
Content Highlights: Minister G R Anil said that organizations used to strike in public distribution sectors
