Get the latest news at
your fingertips!
Download our app now
LIVE TV
Search
തിരുവനന്തപുരം: ക്രിപ്റ്റോകറൻസി കൈമാറ്റം നിരീക്ഷിക്കാൻ ടൂൾ സ്വന്തമാക്കി കേരള പൊലീസ്. ക്രിപ്റ്റോകറൻസി വഴിയുള്ള സാമ്പത്തിക കൈമാറ്റം അറിയിക്കുന്ന നിരീക്ഷണ ടൂളായ 'ചെയിൻ അനാലിസിസ്' ആണ് കേരള പൊലീസ് സ്വന്തമാക്കിയത്. 45 ലക്ഷം രൂപയാണ് ഈ നിരീക്ഷണ ടൂളിൻ്റെ വില. ഇതോടെ പണം ക്രിപ്റ്റോയിലേയ്ക്ക് മാറ്റിയാൽ തിരികെ കിട്ടാത്ത സ്ഥിതിയ്ക്ക് മാറ്റം വരും. നിലവിൽ ഇഡിയും കേന്ദ്ര ഇൻ്റലിജൻസ് ബ്യൂറോയും മാത്രമാണ് ഈ നിരീക്ഷണ ടൂൾ ഉപയോഗിക്കുന്നത്.
ക്രിപ്റ്റോ ഇടപാടുകൾ നടത്തുന്ന കമ്പ്യൂട്ടറിൻ്റെയോ മൊബൈൽ ഫോണിൻ്റെയോ ഐപി അഡ്രസ് ഈ ടൂൾ ഉപയോഗിച്ച് എളുപ്പത്തിൽ കണ്ടെത്താൻ കഴിയും. ഒരു ക്രിപ്റ്റോ വാലറ്റിൽ നിന്നും മറ്റ് ക്രിപ്റ്റോ വാലറ്റുകളിലേയ്ക്ക് പണം മാറ്റിയാലും അവിടെ നിന്ന് രാജ്യത്തിന് പുറത്തുള്ള അക്കൗണ്ടിലേയ്ക്ക് മാറ്റിയാലും അതിനുപയോഗിച്ച മൊബൈൽ ഫോണിൻ്റെയോ കമ്പ്യൂട്ടറിൻ്റെയോ ഐപി അഡ്രസ് വിലാസം ഈ നിരീക്ഷണ ടൂൾവഴി കണ്ടെത്താൻ കഴിയും. ഇതിലൂടെ ക്രിപ്റ്റോ വിനിമയം നടത്തിയത് ആരാണെന്ന് ഇനി എളുപ്പത്തിൽ കണ്ടെത്താൻ സാധിക്കും.
കള്ളപ്പണം കണ്ടെത്താനുള്ള ഇഡിയുടെ പരിശോധന കർശനമാക്കിയതോടെ അനധികൃതമായി സമ്പാദിക്കുന്ന പണം കൈയ്യിൽ സൂക്ഷിക്കാതെ ക്രിപ്റ്റോ കറൻസിലേയ്ക്ക് മാറ്റി സൂക്ഷിക്കുന്നത് വ്യാപകമായിട്ടുണ്ട്. ഇതിന് സഹായിക്കുന്ന ഇടനിലക്കാർ കേരളത്തിലും സജീവമായി രംഗത്തുണ്ടെന്നാണ് റിപ്പോർട്ടുകൾ.
കേരളത്തിൽ നിന്നും സൈബർ തട്ടിപ്പിലൂടെ കൈക്കലാക്കുന്ന പണത്തിൻ്റെ ഭൂരിഭാഗവും ചൈനയിലേയ്ക്കും ഹോങ്കോങ്ങിലേയ്ക്കും ഒഴുകുന്നത് തടയാൻ പുതിയ നിരീക്ഷണ ടൂൾവഴി കേരള പൊലീസിന് സാധിക്കുമെന്നാണ് ചൂണ്ടിക്കാണിക്കപ്പെടുന്നത്.
Content Highlights: Fraudsters in crypto transactions will now be caught; Kerala Police owns Surveillance tool
