രാഹുൽ ഈശ്വറിനും കുരുക്ക് വീഴുമോ?; ഹണി റോസിന്റെ പരാതിയിൽ അറസ്റ്റ് തടയാതെ ഹൈക്കോടതി, റിപ്പോർട്ട് തേടി

കൊച്ചി: നടി ഹണി റോസിനെ അപമാനിച്ചെന്ന പരാതിയിൽ മുൻകൂർ ജാമ്യം തേടിയ രാഹുൽ ഈശ്വറിന് ഹൈക്കോടതിയിൽ തിരിച്ചടി. രാഹുലിന്റെ അറസ്റ്റ് ഹൈക്കോടതി തടഞ്ഞില്ല. മുൻകൂർ ജാമ്യാപേക്ഷയിൽ ഹൈക്കോടതി പൊലീസിന്റെ നിലപാട് തേടി. അതേസമയം രാഹുലിനെതിരെ പൊലീസ് ഇതുവരെ കേസ് എടുത്തിട്ടില്ല.

കേസ് ഈ മാസം 27 ലേക്ക് മാറ്റി. രാഹുലിന് മുൻകൂർ ജാമ്യം നൽകുന്നതിൽ ഹൈക്കോടതി പൊലീസിനോട് റിപ്പോർട്ട് ആവശ്യപ്പെട്ടിട്ടുണ്ട്. സാമൂഹിക മാധ്യമങ്ങളിലൂടെയും ചാനൽ ചർച്ചകളിലൂടെയും തന്നെ അധിക്ഷേപിച്ചുവെന്നായിരുന്നു ഹണി റോസിന്റെ പരാതി. കൂടാതെ തൃശൂർ സ്വദേശി സലിമും രാഹുലിനെതിരെ പരാതി നൽകിയിരുന്നു.

ഹണി റോസിനെ അധിക്ഷേപിച്ചിട്ടില്ലെന്നാണ് ജാമ്യാപേക്ഷയിൽ രാഹുൽ ഈശ്വറിൻ്റെ വാദം. ഹണി റോസിൻ്റെ വസ്ത്ര ധാരണത്തിൽ ഉപദേശം നൽകുക മാത്രമാണ് താൻ ചെയ്തത്. സൈബർ ആക്രമണത്തിന് കാരണമായ ഒന്നും മാധ്യമങ്ങളിലൂടെ സംസാരിച്ചിട്ടില്ല. ആർക്കെതിരെയും സൈബർ അധിക്ഷേപം പാടില്ല എന്നാണ് തൻ്റെ നിലപാട് എന്നുമാണ് മുൻകൂർ ജാമ്യാപേക്ഷയിൽ രാഹുൽ ഈശ്വറിൻ്റെ വാദം.

രാഹുൽ ഈശ്വർ നിരന്തരം സ്ത്രീ വിരുദ്ധ പ്രസ്താവന നടത്തുന്നു എന്നായിരുന്നു ഹണി റോസിൻ്റെ ഇൻസ്റ്റാഗ്രാം പോസ്റ്റ്. ഇത് അശ്ലീല - ദ്വയാർത്ഥ പ്രയോഗം ആണെന്ന് ആയിരുന്നു ഹണി റോസിൻ്റെ കുറിപ്പിൻ്റെ ഉള്ളടക്കം. രാഹുൽ ഈശ്വർ സൈബർ ബുള്ളിയിംഗിന് നേതൃത്വം നൽകുന്നു എന്നും ഹണി റോസിൻ്റെ ആക്ഷേപിച്ചിരുന്നു. സമാനമായ സംഭവത്തിൽ എറണാകുളം സെൻട്രൽ പൊലീസ് രജിസ്റ്റർ ചെയ്ത കേസിൽ വ്യവസായി ബോബി ചെമ്മണ്ണൂർ കാക്കനാട് ജില്ലാ ജയിലിൽ റിമാൻഡിൽ ആണ്.

Content Highlights: Rahul Eswar Anticipatory Bail over Honey Rose Complaint is Set Back in High Court

Kerala

Kerala

ഈച്ച പോലുമറിഞ്ഞില്ല.! മോഷ്ടിച്ച വീട്ടിൽ തന്നെ ഉണ്ടും ഉറങ്ങിയും ജീവിച്ച് കള്ളൻ, ഓടിച്ചിട്ട് പിടിച്ച് പൊലീസ്

Kerala

ശാസ്താംകോട്ടയിലെ യുവതിയുടെ മരണം, ക്രൂര കൊലപാതകമെന്ന് പൊലീസ്, ഭർത്താവ് അറസ്റ്റിൽ

Kerala

അമ്മയെ കണ്ടില്ല, ആനക്കൂട്ടവും കൂടെ കൂട്ടിയില്ല, ആന കുഞ്ഞനെ ചേർത്ത് പിടിച്ച് മുത്തങ്ങ ആന ക്യാമ്പ്

Kerala

തിരുവനന്തപുരത്ത് വീട്ടിൽ യുവതി മരിച്ച നിലയിൽ,കൂടെ താമസിച്ച തമിഴ്നാട് സ്വദേശിയെ കാണാനില്ല,കൊലപാതകമെന്ന് നിഗമനം