Get the latest news at
your fingertips!
Download our app now
LIVE TV
Search
പാലക്കാട്: കെടിഡിസി ചെയര്‍മാനും മുന്‍ എംഎല്‍എയുമായ പി കെ ശശിക്കെതിരെ ജില്ലാ സമ്മേളനത്തില്‍ രൂക്ഷവിമര്‍ശനം. ശശിക്കെതിരെ പാര്‍ട്ടി നേരത്തെ തന്നെ കര്‍ശന നടപടി എടുത്തിരുന്നെങ്കില്‍ ജില്ലയിലെ പാര്‍ട്ടിക്കകത്ത് വിഭാഗീയത ഉണ്ടാവുമായിരുന്നില്ലെന്ന് സമ്മേളനത്തിന്റെ പൊതു ചര്‍ച്ചയ്ക്ക് പ്രതിനിധികള്‍ ഉന്നയിച്ചു. പാലക്കാട് ഉപതിരഞ്ഞെടുപ്പിനിടെ വിവാദപ്രസ്താവനകള്‍ നടത്തിയ സംസ്ഥാന കമ്മിറ്റി അംഗമായ എന്‍ എന്‍ കൃഷ്ണദാസ് സ്വയം തിരുത്തി, മുതിര്‍ന്ന നേതാവിന്റെ പക്വത കാണിക്കണമെന്നും വിമര്‍ശനം ഉയര്‍ന്നു.
പി കെ ശശിയെ കെടിഡിസി, സിഐടിയു ജില്ലാ പ്രസിഡന്റ് പദവികളില്‍ നിന്നും നീക്കണമെന്ന ആവശ്യം നേരത്തെ ജില്ലാ സെക്രട്ടറിയേറ്റില്‍ ഉയര്‍ന്നിരുന്നു. ഇക്കാര്യം തീരുമാനിക്കാന്‍ പാലക്കാട് ജില്ലയില്‍ നിന്നുള്ള പ്രതിനിധികള്‍ സംസ്ഥാന സമിതി യോഗത്തില്‍ ആവശ്യപ്പെട്ടെങ്കിലും ജില്ലയില്‍ നിലപാട് എടുക്കാനായിരുന്നു നേതൃത്വത്തിന്റെ നിര്‍ദേശം.
നെല്ലിന്റെ സംഭരണ തുക വിതരണത്തില്‍ പാളിച്ചകള്‍ സംഭവിച്ചതില്‍ സര്‍ക്കാരിനെതിരെയും ജില്ലാ സമ്മേളനത്തില്‍ വിമര്‍ശനം ഉയര്‍ന്നു.
Content Highlights: Criticism against PK Sasi in the CPIM district conference
