Get the latest news at
your fingertips!
Download our app now
LIVE TV
Search
തിരുവനന്തപുരം: കേരളത്തിനും തമിഴ്നാടിനുമെതിരെ വിദ്വേഷ പരാമർശവുമായി കേന്ദ്ര കൃഷി സഹമന്ത്രി ശോഭ കരന്ദലജെ. തമിഴ്നാട്ടുകാര് ബെംഗളൂരുവിലെത്തി സ്ഫോടനങ്ങള് നടത്തുന്നു. കേരളത്തിലെ ആളുകള് കര്ണാടകയിലെ പെണ്കുട്ടികളുടെ മുഖത്ത് ആസിഡ് ഒഴിക്കുന്നു. ഇതിനെതിരെ കോൺഗ്രസ് സർക്കാർ ഒന്നും ചെയ്യുന്നില്ലെന്നും ശോഭ കരന്ദലജെ ആരോപിച്ചു.
നഗരത്തിലെ അൾസൂരിൽ പള്ളിക്ക് സമീപം നമസ്കാര സമയത്ത് ലൗഡ് സ്പീക്കര് ഉപയോഗിച്ചതിനെത്തുടര്ന്നുണ്ടായ സംഘര്ഷത്തിന്റെ പശ്ചാത്തലത്തിലാണ് ശോഭ കരന്ദലജെ വിവാദ പരാമര്ശങ്ങള്. അതേസമയം ശോഭ കരന്തലജെക്കെതിരെ ശക്തമായ നടപടി വേണമെന്ന ആവശ്യവുമായി തമിഴ്നാട് മുഖ്യമന്ത്രി എം കെ. സ്റ്റാലിൻ രംഗത്തെത്തി.
ജനത്തെ വിഭജിക്കാനുള്ള നീക്കം അപലപനീയമെന്ന പറഞ്ഞ സ്റ്റാലിന് ബി ജെ പിയുടെ വിഭജന നീക്കം തമിഴ് ജനതയും കന്നഡിഗരും തള്ളിക്കളയണമെന്നും ആവശ്യപ്പെട്ടു. നിലവില് ബംഗളൂരു നോർത്തിലെ ബി ജെ പി സ്ഥാനാർഥി കൂടിയാണ് ശോഭാ കരന്ദലജെ.
