Get the latest news at
your fingertips!
Download our app now
LIVE TV
Search
ഡൽഹി: ഡൽഹിയിൽ വീണ്ടും ബോംബ് ഭീഷണി. ലേഡി ശ്രീറാം കോളേജിന് നേരെയാണ് ബോംബ് ഭീഷണിയുണ്ടായിരിക്കുന്നത്. ആഭ്യന്തരമന്ത്രാലയത്തിന് ഇമെയിൽ വഴി ബോംബ് ഭീഷണി സന്ദേശമെത്തിയതിന് പിറ്റേന്നാണ് വീണ്ടും സമാനമായ സന്ദേശമെത്തിയിരിക്കുന്നത്.
വൈകീട്ടോടെ ഡൽഹി ഫയർ സർവ്വീസിലേക്ക് ഫോൺ സന്ദേശമെത്തിയെന്നും ഉടനെ തന്നെ രണ്ട് യൂണിറ്റ് സ്ഥലത്തെത്തിച്ചുവെന്നും അധികൃതർ പറഞ്ഞു. ഡൽഹി പൊലീസ്, ബോംബ് കണ്ടെത്തുന്നതിനുള്ള സംഘം, ബോംബ് നിർവ്വീര്യമാക്കുന്ന സംഘം എന്നിവർ സ്ഥലത്തെത്തിയിട്ടുണ്ട്. എന്നാൽ സംശയാസ്പദമായി ഒന്നും കണ്ടെത്താനായില്ലെന്ന് സംഘം വ്യക്തമാക്കി.
ഡൽഹിയിലെ സ്കൂളുകൾ, വിമാനത്താവളങ്ങൾ, ആശുപത്രികൾ എന്നിവിടങ്ങളിൽ കഴിഞ്ഞ ആഴ്ചകളിൽ സമാനമായി ഭീഷണി സന്ദേശങ്ങൾ എത്തിയിരുന്നു. അന്നും പരിശോധനകളിൽ ഒന്നും കണ്ടെത്താൻ കഴിഞ്ഞില്ല. രാജ്യത്തിന് പുറത്തുനിന്നാണ് സന്ദേശങ്ങൾ എത്തുന്നതെന്നത് അന്വേഷത്തെ ബാധിക്കുന്നുണ്ട്. വിഷയങ്ങളിൽ ഡൽഹി പൊലീസിൻ്റെയും വിവിധ ഏജൻസികളുടേയും അന്വേഷണം തുടരുകയാണ്.
ഇതിന് മുമ്പ് മെയ് ആദ്യം നൂറോളം സ്കൂളുകളിൽ രാജ്യ തലസ്ഥാനത്ത് ബോംബ് ഭീഷണിയുണ്ടായിരുന്നു. ഒരേ മെയിൽ സന്ദേശമാണ് സ്കൂളുകളിൽ എത്തിയത്. സംഭവത്തിൽ ഡല്ഹി പൊലീസിന് പുറമേ കേന്ദ്ര ഏജൻസികളും അന്വേഷണം തുടങ്ങിയിരുന്നു.
'പോരാട്ടം നമ്മൾ തമ്മിൽ, എന്തിന് എന്റെ മാതാപിതാക്കളെ വലിച്ചിഴയ്ക്കുന്നു'; മോദിയോട് കെജ്രിവാൾ
