Get the latest news at
your fingertips!
Download our app now
LIVE TV
Search
ന്യൂഡൽഹി: രാജ്യത്ത് മൊബൈൽ സേവനങ്ങൾക്ക് ഇനി ചിലവേറും. റിലയൻസ് ജിയോ കഴിഞ്ഞ ദിവസം, പ്രീപെയ്ഡ്- പോസ്റ്റ്പെയ്ഡ് പ്ലാനുകളുടെ താരിഫ് വർധിപ്പിച്ചതായി വാർത്താ കുറിപ്പ് ഇറക്കിയിരുന്നു. ജിയോ കമ്പനിക്ക് പിന്നാലെ മറ്റ് സര്വീസ് സേവനദാതാക്കളും നിരക്കുയര്ത്താന് സാധ്യതയുണ്ട്. ഭാരതി എയര്ടെല്ലും ഐഡിയ-വോഡാഫോണും താരിഫ് നിരക്കുകള് ഉയര്ത്തിയേക്കും എന്നാണ് മണികണ്ട്രോളിന്റെ റിപ്പോര്ട്ട്. 2021ലായിരുന്നു ഇതിന് മുമ്പ് എല്ലാ കമ്പനികളും നിരക്കുയര്ത്തിയത്. അന്ന് 20 ശതമാനത്തിന്റെ വര്ധനവാണുണ്ടായത്. 2019ലായിരുന്നു അതിന് മുമ്പ് മൊബൈല് സേവനദാതാക്കള് നിരക്കുയര്ത്തിയത്. അന്ന് 20-40 ശതമാനത്തിന്റെ വര്ധവുണ്ടായി.
ഇത്തവണ താരിഫ് നിരക്ക് വര്ധനയ്ക്ക് റിലയന്സ് ജിയോയാണ് തുടക്കമിട്ടിരിക്കുന്നത്. പുതുക്കിയ നിരക്കുകൾ പ്രകാരം 600 രൂപ വരെ ജിയോയുടെ താരിഫ് ഉയർന്നേക്കാം എന്നാണ് റിപ്പോര്ട്ടുകള്. പുതുക്കിയ നിരക്കുകള് ജൂലൈ 3 മുതൽ പ്രാബല്യത്തിൽ വരും. ജിയോ വിവിധ പ്ലാനുകളില് മാറ്റം വരുത്തിയിട്ടുണ്ട്. മുമ്പ് 155 രൂപയായിരുന്ന 28 ദിവസത്തെ 2 ജിബി ഡാറ്റ പ്ലാനിന് 189 രൂപ ഇനിമുതല് നല്കണം. അതേ കാലയളവിൽ പ്രതിദിനം 1 ജിബി പ്ലാൻ തിരഞ്ഞെടുക്കുന്ന ഉപയോക്താക്കൾക്ക് 209 രൂപയ്ക്ക് പകരം 249 രൂപ നല്കേണ്ടിവരും. പ്രതിദിനം 1.5 ജിബി ഡാറ്റ ലഭിക്കുന്ന പ്ലാനിന്റെ വില 239 രൂപയിൽ നിന്ന് 299 രൂപയായി ഉയരുന്നതും 2 ജിബി പ്രതിദിന പ്ലാനിന് 299 രൂപയ്ക്ക് പകരം 349 രൂപ നല്കേണ്ടിവരുന്നതും പുതിയ മാറ്റത്തിലുണ്ട്. പ്രതിദിനം 2.5 ജിബി ഡാറ്റ പ്ലാനിന് 349 രൂപയ്ക്ക് പകരം 399 രൂപയും 3 ജിബി പ്രതിദിന പ്ലാനിന് 399 രൂപയ്ക്ക് പകരം 449 രൂപയും ഇനിമുതല് നല്കണം.
ദൈർഘ്യമേറിയ പ്ലാനുകളിലും ജിയോ വില വർധനവ് വരുത്തിയിട്ടുണ്ട്. രണ്ട് മാസത്തേക്കുള്ള 479 രൂപയുടെ 1.5 ജിബി പ്രതിദിന പ്ലാനിന് പുതുക്കിയ നിരക്കുകള് പ്രകാരം 579 രൂപയാകും. പ്രതിദിനം 2 ജിബി ഉപയോഗിക്കാനാവുന്ന പ്ലാനിന്റെ തുക 533 രൂപയിൽ നിന്ന് 629 രൂപയായി ഉയർത്തും. മൂന്ന് മാസത്തേക്കുള്ള 6 ജിബി ഡാറ്റ പ്ലാന് 395 രൂപയിൽ നിന്ന് 479 രൂപയിലെത്തുന്നതും പുതിയ നിരക്ക് വര്ധനവില് പ്രകടമാകുന്ന വലിയ മാറ്റമാണ്. അതേ സമയം ഭാരതി എയര്ടെല്ലും ഐഡിയ വോഡാഫോണും ഇത് വരെ പുതിയ നിരക്ക് പ്രഖ്യാപിച്ചിട്ടില്ല.
കളിയിക്കാവിള കൊലപാതകം; ഒരാൾ കൂടി പിടിയിൽ,രണ്ടാം പ്രതി സുനിലിനായി തിരച്ചിൽ തുടരുന്നു
