Get the latest news at
your fingertips!
Download our app now
LIVE TV
Search
ഹൈദരാബാദ്: ഇരുപത് ദിവസത്തോളം ഹോട്ടല് മുറിയില് പൂട്ടിയിട്ട് തുടർച്ചയായി ബലാത്സംഗം ചെയ്ത വിദ്യാര്ത്ഥിനിയെ പൊലീസിന്റെ വിഭാഗമായ 'ഷീ ടീം' രക്ഷപ്പെടുത്തി. ഇന്സ്റ്റഗ്രാം വഴി പരിചയപ്പെട്ട സുഹൃത്താണ് പെണ്കുട്ടിയെ ഹോട്ടല് മുറിയില് പൂട്ടിയിട്ട് പീഡിപ്പിച്ചത്. പ്രതിയെ പൊലീസ് അറസ്റ്റ് ചെയ്തു. തെലങ്കാനയിലെ ഭൈസണ് ടൗണില് നിന്നുള്ള വിദ്യാര്ത്ഥിനിയെയാണ് നാരാണ് ഗൗഡ എന്ന സ്ഥലത്തുള്ള ഒരു ഹോട്ടലില് പൂട്ടിയിട്ട് തുടര്ച്ചയായി പീഡിപ്പിച്ചത്.
സംഭവത്തിന് പിന്നാലെ പെണ്കുട്ടിയുടെ മാതാപിതാക്കൾ ഷീ ടീമിന് പരാതി നല്കുകയായിരുന്നു. തങ്ങളുടെ മകള് വിളിച്ച് ഇന്സ്റ്റഗ്രാം വഴി പരിചയപ്പെട്ട സുഹൃത്ത് കുടുക്കിയതാണെന്നും തന്നെ ഭീഷണിപ്പെടുത്തി ഹൈദരാബാദിലേക്ക് വരാന് നിര്ബന്ധിക്കുകയും ഇവിടെ എത്തിയ ശേഷം ഹോട്ടല് മുറിയില് പൂട്ടിയിടുകയായിരുന്നുവെന്നും സമൂഹമാധ്യമത്തിലൂടെ മാതാപിതാക്കളെ അറിയിച്ചുവെന്ന് ഡെപ്യൂട്ടി പൊലീസ് കമ്മീഷണര് ഡി കവിത പറഞ്ഞു.
പെണ്കുട്ടി തന്റെ ലോക്കേഷന് മാതാപിതാക്കള്ക്ക് വാട്സാപ്പ് വഴി അയച്ചുകൊടുക്കുകയും ചെയ്തതായി പൊലീസ് പറഞ്ഞു. തുടര്ന്ന് നടത്തിയ അന്വേഷണത്തില് ഹോട്ടല് മുറിയില് നിന്ന് ഷീ ടീം പെണ്കുട്ടിയെ കണ്ടെത്തി. പെണ്കുട്ടിയെ മാതാപിതാക്കള്ക്ക് കൈമാറി. പ്രതിയെ പൊലീസ് അറസ്റ്റ് ചെയ്തു. പെണ്കുട്ടിയെ തടങ്കലില്വെച്ചതിനും തുടര്ച്ചയായി ബലാത്സംഗം ചെയ്തതിനും പ്രതിക്കെതിരെ പൊലീസ് കേസെടുത്തു. ബിഎന്എസിന്റെ 64(2) (എം), 127 (4), 316 (2) എന്നീ വകുപ്പുകള് പ്രകാരമാണ് കേസ് രജിസ്റ്റര് ചെയ്തിരിക്കുന്നത്.
